जळगाव लाईव्ह न्यूज । ३ फेब्रुवारी २०२२ । मागील गेल्या अनेक महिन्यांपासून दहावी, बारावीच्या परीक्षा ऑनलाईन की ऑफलाईन होणार यावर संभ्रम कायम होता. मात्र, आता राज्य मंत्रिमंडळाच्या बैठकीत महत्त्वाचा निर्णय घेण्यात आला आहे. दहावी आणि बारावीच्या परीक्षा ऑफलाईन पद्धतीनं होणार असल्याची माहिती महाराष्ट्र राज्य शिक्षण मंडळाचे अध्यक्ष शरद गोसावी यांनी पत्रकार परिषदेत या संबंधित माहिती दिली आहे. यामुळे संभ्रम दूर झाला आहे. प्रात्याक्षिक परीक्षा दोन कालावधीत घेण्यात येणार असल्याची माहिती शरद गोसावी यांनी दिली आहे.दरम्यान, मुख्याध्यापक, विषयतज्ञ यांच्याशी चर्चा करून निश्चित करण्यात आले आहेत.
12वीची परीक्षा 4 मार्चपासून
बारावीच्या परीक्षा 4 मार्च ते 30 मार्च या कालावधीत घेण्यात येतील. प्रात्यक्षिक परीक्षा त्याच वेळेत 14 फेब्रुवारीपासून सुरू होणार आहेत. अपरिहार्य कारण असेल तर विद्यार्थ्यांना एक संधी देण्यात येईल. दुसऱ्या टप्प्यातील प्रात्याक्षिक परीक्षा 31 मार्च ते 18 एप्रिल या दरम्यान घेण्यात येईल. पुर्वी ठरलेल्या पद्धतीनेच परीक्षा होतील, असं शरद गोसावी यांनी सांगितलं. बारावीसाठी 14 लाख 52 हजार विद्यार्थ्यांनी अर्ज भरलेत. बारावीसाठी 158 विषय आहे.
शाळा तिथं परीक्षा केंद्र
दहावी आणि बारावीच्या परीक्षांसाठी पावणे दोन लाख कर्मचारी काम करतात. कोरोना संसर्गामुळं दरवर्षी परीक्षा केंद्र प्रचलित असतात. शाळा तिथे केंद्र किंवा उपकेंद्र निश्चित करण्यात आलं आहे. विद्यार्थ्यांची शाळेमध्ये उपस्थिती कमी असल्यानं लेखी परीक्षेसाठी 40 ते 60 गुण या पेपरसाठी 15 मिनिटं देण्यात येणार आहेत. तर 70 ते 80 पेपरसाठी 30 मिनिट जादा देण्यात आला आहे, असं शरद गोसावी म्हणाले.
दहावीची परीक्षा 15 मार्चपासून सुरु
दहावीची परीक्षा ही 1 मार्च ला होत असते मात्र या वर्षी आपण 15 मार्चलाच घेण्याचं आधीचं ठरवली होते. किमान 40 टक्के अभ्यासक्रमावर प्रात्यक्षिक परीक्षा होणार आहे. दहावीसाठी प्रात्यक्षिक परीक्षा ही 40 टक्के अभ्यासक्रमावर आधारित केली आहे. बहिस्थ परीक्षक न नेमता त्याच शाळेतील परीक्षक नेमला जाईल. प्रत्येक केंद्रावर एक विशेष कक्ष तयार करण्यात आला आहे. ही परीक्षा ऑफलाईन पद्धतीने योग्य वेळेतचं केली जाईल, असं शरद गोसावी म्हणाले.
दहावी बारावीचे 31 लाख विद्यार्थी
दहावी आणि बारावीच्या विद्यार्थ्यांची संख्या ही 31 लाख आहे. तांत्रिक पद्धतीने ही परीक्षा घेणं शक्य नाही, त्यामुळे परीक्षा ही ऑनलाईन पद्धतीने घेणं शक्य नाही, असं शरद गोसावी म्हणाले.
हे देखील वाचा :
- दुचाकी चोरीच्या गुन्ह्यात फरार असलेला चोरटा जाळ्यात; चोरीच्या दोन दुचाकी हस्तगत
- गोदावरी कॉलेज ऑफ नर्सिंगमध्ये आंतरराष्ट्रीय बालिका दिवस उत्साहात
- गया ते मुंबई दरम्यान धावणार नवीन एक्स्प्रेस; जळगाव, भुसावळात असेल थांबा
- डॉ. उल्हास पाटील वैद्यकीय रूग्णालयात नाभीतून आतडे बाहेर आलेल्या शिशुवर यशस्वी उपचार
- यावल तालुक्यातील महिला सरपंचाला जिल्हाधिकाऱ्यांनी केलं अपात्र घोषित; कारण काय?
