जळगाव लाईव्ह न्यूज । जळगाव शहरातील सागर नगरात प्रतिबंधित नायलॉनच्या मांजा विक्री करण्याच्या प्रकरणात शनिपेठ पोलीस ठाण्याने महत्त्वपूर्ण कारवाई केली आहे. पोलिसांनी एका संशयित आरोपीला अटक केली आहे आणि त्याविरुद्ध गुन्हा दाखल केला आहे.
महेंद्र कैलास गोयल (वय-१९, रा. सागर नगर जळगाव) हा संशयित आरोपी आहे, ज्याला पोलीस निरीक्षक रंगनाथ धारबळे यांच्या मार्गदर्शनाखाली पोलीस पथकाने पकडले. गोपनीय माहिती मिळाल्यानंतर, पोलीस पथकाने सागर नगरातील एका इलेक्ट्रिक दुकानात धाड टाकली आणि साडेसहा हजार रुपये किमतीचा नायलॉनचा मांजा जप्त केला.
ही कारवाई पोलीस उपनिरीक्षक योगेश ढिकले, पोलीस नाईक किरण वानखेडे, विकी इंगळे, मुकुंद गंगावणे यांच्यासह इतर पथकाने संयुक्तपणे केली. पुढील तपास पोलीस कॉन्स्टेबल विजय खैरे हे करीत आहेत. या कारवाईने नायलॉनच्या मांजा विक्री विरोधात पोलीस ठाण्याची कठोर भूमिका स्पष्ट केली आहे.
