धावत्या रेल्वेसमोर स्वत:ला झोडून देत तरुणाची आत्महत्या

जानेवारी 2, 2022 6:12 PM

जळगाव लाईव्ह न्यूज । २ जानेवारी २०२२ । जळगाव तालुक्यातील भादली येथील एका ३५ वर्षीय तरुणाने धावत्या रेल्वेसमोर स्वत:ला झोडून देत आत्महत्या केल्याची घटना आज रविवारी दुसरी घडलीय. भागवत अशोक फेगडे (वय ३५, रा. भादली) असे मृत तरुणाचे नाव आहे. याबाबत नशिराबाद पोलीसात अकस्मात मृत्यूची नोंद करण्यात आली आहे.

भादली येथील भागवत फेगडे हे आपल्या कुटुंबीयांसह वास्तव्याला आहे. रविवारी २ जानेवारी रोजी सकाळी ११ वाजता बाहेर जाऊन येतो असे सांगून भादली रेल्वेस्थानक परिसरात धावत्या रेल्वेसमोर झोकुन देत आत्महत्या केली. आत्महत्येचे नेमके कारण कळू शकले नाही. या प्रकरणी नशिराबाद पोलिस ठाण्यात अकस्मात मृत्यूची नोंद करण्यात आली आहे.