जळगाव लाईव्ह न्यूज । २५ जून २०२२ । नायगावजवळी वनक्षेत्रातून काही माकडे गावात आली होती. त्यापैकी गुरुवारी एका माकडाचा अपघाती मृत्यू झाला. त्यामुळे ग्रामस्थांनी माकडावर विधीपूर्वक अंत्यसंस्कार केले. दरम्यान, गावातील हे माकड प्रत्येक कुटुंबाला सदस्याप्रमाणे प्रिय होते. त्याच्या अपघाती मृत्युमुळे गावातून हळहळ व्यक्त होत आहे. माकडाशी झालेल्या आपुलकीतून विधिवत अंत्यसंस्कार करण्यात आले. आता उत्तरकार्य केले जाणार आहे.
यावल तालुक्यातील नायगाव हे गावत सातपुड्याच्या पायथ्याशी वसलेले आहे. या गावात गेल्या काही महिन्यांपासून चार माकडे आली आहेत. ग्रामस्थांना त्रास न देता ही माकडे गावात वावरत आहेत. गुरूवारी घरावरुन उडी घेत असताना एका माकडाचा वीजतारांना स्पर्श झाला. त्याच विजेचा धक्का बसल्याने माकड जमिनीवर कोसळले. या घटनेत माकडाचा मृत्यू झाला. विजय सावळे यांनी या घटनेची माहिती नागरिकांना दिली. त्यामुळे ग्रामस्थांनी माकडावर विधीपूर्वक अंत्यसंस्कार करण्याचा निर्ण? घेतला. तसेच गावात बॅँड लावून अंत्ययात्रा काढत अंत्यविधी करण्यात आला. अंत्ययात्रेत संदीप सावळे यांनी मृत माकडास अग्ग्नीडाग दिला.
ग्रामस्थांनी खांदा देऊन अंत्यविधी पार पडला. या संपूर्ण विधीसाठी संदीप सावळे, राजेंद्र सावळे, राजू पाटील, श्रावण सावळे, योगेश कोळी, कैलास सावळे, समाधान सावळे, विजय गोसावी, शांताराम कोळी व ग्रामस्थ सहभागी झाले.
