जळगाव लाईव्ह न्यूज । २० फेब्रुवारी २०२२ । कारने दिलेल्या धडकेत मोठा वाघोदा (ता.रावेर) येथील तरुणाचा जागीच मृत्यू झाल्याची घटना सावदा-फैजपूर मार्गावरील जे.के.स्टीलजवळ शनिवारी सायंकाळी ७ वाजेदरम्यान घडली. रशीद अहमद तडवी (वय ३६) असे मृत तरुणाचे नाव असून याबाबत रात्री उशिरापर्यंत गुन्हा दाखल करण्याचे काम सुरू होते.
याबाबत असे की, मोठे वाघोदा येथील रहिवासी रशीद तडवी हा केळी कामगार होता. तो जेवणाचा डबा घेण्यासाठी दुचाकीने (क्रमांक एमएच.१९-बीजे.४३७८) फैजपूरकडे जात होता. यावेळी सावद्याकडून येणाऱ्या कारने (एमएच.१९-एजी.६७६९) समोरून येत धडक दिली. त्यात दुचाकीस्वार रशीद तडवी हा गंभीर जखमी होऊन मृत झाला. ही माहिती मिळताच ग्रामस्थांनी घटनास्थळाकडे धाव घेतली.
तडवी यांचा मृतदेह शवविच्छेदनासाठी रावेर ग्रामीण रुग्णालयात हलवला. अपघातातील वाहने पोलिसांनी ताब्यात घेतली आहे. याबाबत रात्री उशिरापर्यंत गुन्हा दाखल करण्याचे काम सुरू होते. दरम्यान, अपघातात ठार झालेला तरूण हा कुटुंबातील कमावती व्यक्ती होती.
हे देखील वाचा :
- जळगावकरांनो काळजी घ्या! 21 मे पर्यंत तापमानाचा पारा 44 अंशावर राहणार, IMD चा अंदाज
- TVS ची लोकप्रिय स्पोर्ट्स बाईक भारतात लाँच ; किंमत अन् फीचर्सबद्दल जाणून घ्या
- जळगाव रेल्वेस्थानकाच्या कचरा पेटीत सापडलेल्या अनाथ मुलीची MPSC परीक्षेत बाजी
- ऑनलाईन पेक्षा स्वस्त आयफोन जळगावात; iPhone 13 मिळवा फक्त ४० हजार रुपयात
- गोदावरी अभियांत्रिकी महाविद्यालय व तंत्रनिकेतन येथे राष्ट्रीय तंत्रज्ञान दिवस उत्साहात संपन्न
