जळगाव लाईव्ह न्यूज । २२ जून २०२१ । जळगाव तालुक्यातील कुसुंबा जकात नाक्याजवळ एसटी बसने दोन दुचाकीला दिलेल्या धडकेत दोन जणांचा जागेवरच मृत्यू झाला तर तीन जण किरकोळ जखमी झाल्याची घटना आज मंगळवारी दुपारी ३ वाजेच्या सुमारास घडली. गजानन किसन बावस्कर (वय ३८) लीलाबाई धोंडू सोनार (वय ५५) असे अपघातातील मृतांचे नाव आहे.
याबाबत असे की, जामनेर तालुक्यातील चिंचखेड येथील गजानन बावस्कर हे मित्राच्या आईला जळगावात इएसआयसीच्या कामासाठी घेऊन आले होते. काम आटोपून ते घरी परतत असताना कुसुंबा जकात नाक्याजवळ एसटी महामंडळाच्या औरंगाबाद डेपोच्या बसने त्यांना मागून जोरदार धडक दिली. त्यात दोघांचा जागेवच मृत्यू झाला.
तर दुसर्या दुचाकीलाही बसने धडक दिली. यात बाळू धोंडू सोनार, त्यांची पत्नी सुनीता आणि योगेश हे किरकोळ जखमी झाले. त्यांना शासकीय रूग्णालयात दाखल करण्यात आले असून मृतदेह सिव्हील हॉस्पीटलला पाठविण्यात आले आहेत. अपघाताची माहिती मिळताच परिसरातील ग्रामस्थांनी घटनास्थळी धाव घेतली.
