जळगाव लाईव्ह न्यूज । २७ जानेवारी २०२२ । धरणगाव शिवारातील चोरगाव परिसरात मादी बिबट्या आणि दोन बछड्यांचा मुक्त संचार आहे. मादी बछड्यांना शिकारीचे प्रशिक्षण देत फिरत असल्याचा अंदाज असून पुन्हा दोन वासरांचा फडशा पाडल्याचा प्रकार गुरुवारी सकाळी घडला आहे.
चोरगाव परिसरात गेल्या आठ दिवसापासून बिबट्याची दहशत पसरली आहे. चार दिवसापूर्वी दोन वासरूंचा फडशा पाडल्याची घटना घडली होती. परिसरातील नागरिक व शेतकऱ्यांमध्ये दहशत पसरल्याने वनविभागाने शोधमोहीम सुरू केली होती. तसेच रात्रीच्या वेळी आणि अंधारात वावरताना बॅटरी घेऊन फिरण्याचे आवाहन त्यांनी केले होते.
शुक्रवारी सकाळी विजय सुपडू सोनवणे हे पहाटे ४.३० वाजेच्या सुमारास शेतात म्हशींचे दूध काढण्यासाठी गेले होते. ५.३० ला ते घरी परतले आणि पुन्हा ६.३० ला ते शेतात परतले असता दोन वासरूंचा फडशा पाडलेला असल्याचे दिसून आले.
कोंढार शिवारातील शेतात सकाळी ७.३० च्या सुमारास हिरा सोनवणे हे शेतात जात असताना एक बिबट्या मादी आणि दोन बछडे मुक्त संचार करताना दिसून आले. बिबट्यामुळे परिसरातील नागरिक आणि शेतकऱ्यांमध्ये प्रचंड भीती निर्माण झाली असून वनविभागाने बंदोबस्त करण्याची मागणी होत आहे.
हे देखील वाचा :
- जळगाव जिल्ह्यात ३१ जुलैपर्यंत पावसाचा ‘येलो अलर्ट’; हवामान खात्याचा इशारा
- रोटरॅक्ट डिस्ट्रिक्ट ३०३० च्या ‘योगपर्व २०२६’ स्थापना समारंभ
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- LPG सिलिंडर ते बँकिंग..! १ ऑगस्टपासून अनेक महत्त्वाचे नियम बदलणार ; खिशावर होणार थेट परिणाम
- रेल्वेच्या तत्काळ तिकीट बुकिंगच्या नियमांत १ ऑगस्टपासून मोठा बदल; काय आहे घ्या जाणून..
