जळगाव लाईव्ह न्यूज । १८ जानेवारी २०२२ । राखेची वाहतूक करणाऱ्या भरधाव ट्रॅक्टरचे धूड अचानक उचकल्याने धूडखाली दाबले गेल्याने दोन सख्या भावांच्या जागीच मृत्यू झाल्याची घटना घडलीय. ही घटना भुसावळ तालुक्यातील सुसरी ते पिंपळगाव खुर्द दरम्यान घडली. जालमसिंग धरमसिंग पावरा (वय १९) आणि त्याचा सख्खा मोठा भाऊ लालमसिंग धरमसिंग पावरा (वय २३) असे मृत दोघांचे नाव आहे. दरम्यान, याप्रकरणी वरणगाव पोलिसांत गुन्हा दाखल करण्यात आला आहे.
काय आहे प्रकरण?
चालक जालमसिंग धरमसिंग पावरा (वय १९) हा ट्रॅक्टरने (एमएच १९-एपी.३३९७, ट्रॉली क्रमांक एम.एच.एल.४४३५) राखेची वाहतूक करत होता. ट्रॉलीत राख भरून तो नेहमीप्रमाणे सोमवारी सुसरी गावमार्गे पिंपळगावकडे जात होता. दुपारी एक वाजेच्या सुमारास आसरा माता मंदिराजवळ ट्रॅक्टरचे पुढील बाजूचे धूड अचानक उचकले. यामुळे भरधाव ट्रॅक्टर अनियंत्रित होऊन अपघात झाला.
त्यात धूड खाली सापडून चालक जालमसिंग धरमसिंग पावरा (वय १९) आणि त्याचा सख्खा मोठा भाऊ लालमसिंग धरमसिंग पावरा (वय २३) हे दोघे दाबले जाऊन ठार झाले. तर ट्रॉली पलटी झाल्याने त्यात बसलेला महेंद्र अशोक सुरवाडे (रा.गोळेगाव) हा बाजूला फेकला जाऊन जखमी झाला. सुरवाडे याच्या फिर्यादीवरून वरणगाव पोलिसांत मृत ट्रॅक्टर चालक जालमसिंग पावरा याच्या विरोधात गुन्हा दाखल झाला. तपास वरणगाव पोलिस स्टेशनचे सहायक निरीक्षक आशिष अडसूळ करत आहे.
हे देखील वाचा :
- निराधार व गरजू विद्यार्थ्यांना शैक्षणिक साहित्याचे वाटप
- मुक्ताईनगरातील ट्रॅव्हल्समधील डिझेल चोरीचा उलगडा, भिवंडीतील दोन आरोपी जेरबंद
- शालार्थ आयडी घोटाळा ! एका ‘फोन कॉल’ने डिस्चार्ज रद्द करून संजय गरुड पुन्हा रुग्णालयात; राजकीय हस्तक्षेपाची चर्चा
- महाराष्ट्रात पाऊस घेणार ‘ब्रेक’; ‘या’ तारखेनंतरच जोरदार पुनरागमन; वाचा हवामान अंदाज..
- चाळीसगाव लैंगिक अत्याचार प्रकरण; आरोपीला 20 वर्षांचा सश्रम कारावास
