जळगाव लाईव्ह न्यूज । १२ मार्च २०२२ । धरणगाव शहरात राहणाऱ्या एका अल्पवयीन मुलीचे चोपडा बसस्थानकातून अपहरण करून तिच्यावर अत्याचार केल्याची धक्कादायक घटना उघडकीस आली आहे. याप्रकरणी चोपडा शहर पोलीस ठाण्यात गुन्हा दाखल करण्यात आला असून एका संशयिताला अटक करण्यात आली आहे.
धरणगाव शहरात १३ वर्षीय अल्पवयीन मुलगी आपल्या कुटुंबीयांसह वास्तव्याला आहे. दि.१७ फेब्रुवारी रोजी अल्पवयीन मुलगी ही चोपडा येथे आपल्या आई-वडिलांसह आली होती. त्यावेळी संशयित आरोपी दीपक हिरामण पाटील रा.संजय नगर धरणगाव याने अल्पवयीन मुलीला लग्नाचे आमिष दाखवत चोपडा बसस्थानकातून पळवून नेले.
संशयिताने गुजरात आणि जिल्ह्यातील वेगवेगळ्या भागात नेऊन मुलीवर अत्याचार केल्याचा धक्कादायक प्रकार समोर आला आहे. यासंदर्भात पीडितेच्या फिर्यादीवरून चोपडा शहर पोलीस ठाण्यात संशयित दीपक हिरामण पाटील याच्या विरोधात गुन्हा दाखल करण्यात आला आहे. पुढील तपास उपविभागीय पोलीस अधिकारी भास्करराव डेरे करीत आहे. गुन्हा दाखल झाल्यानंतर संशयित आरोपीला चोपडा शहर पोलिसांनी अटक केली आहे.