जळगाव लाईव्ह न्यूज । २२ फेब्रुवारी २०२२ । मराठा साम्राज्या-विषयी विपर्यस्त लेखन करून खोटा इतिहास व गैरसमज पसरवण्यात आला होता. त्यामुळे मराठा बांधवांनी खऱ्या इतिहासाचा योग्य पद्धतीने अभ्यास करण्याची गरज निर्माण झाली आहे, असे परखड मत व्याख्याते प्रदीप देसले यांनी व्यक्त केले.
पाचोरा येथील अखिल भारतीय मराठा महासंघातर्फे आयोजित शिव जन्मोत्सव व्याख्यानमाला अंतर्गत २० फेब्रुवारीला ‘युगपुरुष छत्रपती शिवाजी महाराज’ या विषयावर शिव व्याख्याते प्रदीप देसले (भडगाव) यांनी विचार व्यक्त केले. मराठा महासंघाद्वारे छत्रपती शाहू महाराज सामाजिक विकास मंडळ तसेच राजे संभाजी युथ फाउंडेशनच्या सहकार्याने ऑनलाइन शिव जन्मोत्सव व्याख्यानमालेत देसले यांनी पहिले पुष्प गुंफले. या ऑनलाइन व्याख्यानमालेला शेकडो श्रोत्यांनी उपस्थिती नोंदवली. शीतल अकॅडमी व टायगर किड्सचे संचालक प्रा. रोहन पाटील यांनी तंत्र सहाय्य केले. चंद्रकांत पाटील यांनी सूत्रसंचालन तर शिवाजी शिंदे यांनी आभार मानले.
- जळगाव जिल्ह्याची पाण्याची चिंता संपणार? गिरणा धरण शंभरीच्या उंबरठ्यावर!
- पुणे यार्डातील तांत्रिक कामामुळे भुसावळ, जळगावमार्गे धावणाऱ्या ‘या’ रेल्वे गाड्यांच्या सेवेत मोठा बदल
- पावसाचा हायअलर्ट ! जळगावसह अनेक जिल्ह्यांना हवामान खात्याचा इशारा
- जळगाव जिल्ह्यात ३१ जुलैपर्यंत पावसाचा ‘येलो अलर्ट’; हवामान खात्याचा इशारा
- रोटरॅक्ट डिस्ट्रिक्ट ३०३० च्या ‘योगपर्व २०२६’ स्थापना समारंभ
