जळगाव लाईव्ह न्यूज । २७ जानेवारी २०२२ । जळगाव शहरातील ममुराबाद नाका नजीक ३५ वर्षीय तरूणाचा संशयास्पदरित्या मृतदेह आढळून आला. शेख गफ्फार शेख जब्बार (वय-३५) रा. उस्मानियॉ पार्क असे मयत तरूणाचे नाव असून तरूणाचा मृत्यू घातपाताने झाल्याचा संशय नातेवाईकांकडून व्यक्त केला जात आहे. याप्रकरणी जळगाव तालुका पोलीस ठाण्यात नोंद करण्याचे काम सुरू आहे.
याबाबत असे की, शहरातील उस्मानियॉ पार्क भागात शेख गफ्फार हे आईवडील, पत्नी, भाऊ व दोन मुलांसह वास्तव्याला आहे. बांधकामाचे सेंटींग काम करून कुटुंबियाचा उदरनिर्वाह करतात. बुधवारी २६ जानेवारी रोजी सायंकाळी काम आटोपून घरी निघाले होते. परंतू ते रात्री उशीरापर्यंत घरी न आल्याने नातेवाईकांनी त्याचा शोध घेतला असता कोठेही आढळून आले नाही. गुरूवारी २७ जानेवारी रोजी दुपारी १ वाजेच्या सुमारास ममुराबाद रोडवरील कोंबडी फार्मजवळ त्यांचा मृतदेह संशयास्पदरित्या आढळून आला.
त्यांच्या डोक्यावर, हनुवटीवर मार लागल्याचे प्राथमिक माहिती समोर आली आहे. जळगाव तालुका पोलीस आणि नातेवाईकांनी धाव घेतली व मृतदेह जिल्हा शासकीय वैद्यकीय महाविद्यालयात आणण्यात आला. यावेळी जिल्हा रूग्णालयात नातेवाईक व मित्र परिवार यांनी मोठी गर्दी केली होती. तरूणाचा मृत्यू घातपाताने झाल्याचा संशयित नातेवाईकांकडून केले जात आहे. याप्रकरणी जळगाव तालुका पोलीस ठाण्यात नोंद करण्याचे काम सुरू आहे.
हे देखील वाचा :
- आमदार राजूमामा भोळेंच्या पाठपुराव्याला यश; जळगावच्या प्रमुख मार्गावर एलईडी पथदिव्यांसाठी ५ कोटींचा निधी मंजूर
- धावत्या लक्झरी बसमधील २५ लाखांची चोरी उघड; ४ सराईत आरोपींना जळगाव पोलिसांकडून अटक
- राष्ट्रीय वैद्यकीय आयोगाच्या एसीएमसी अभ्यासक्रमात डॉ. बापूराव बीटे यांचा सहभाग
- डॉ. उल्हास पाटील महाविद्यालयात ५० वर्षीय रुग्णाच्या स्किझोफ्रेनिया आजारावर यशस्वी उपचार
- चर्मकार समाजातील बांधवांसाठी सुवर्णसंधी! विविध शासकीय योजनांसाठी अर्ज करण्याचे आवाहन
