जळगाव लाईव्ह न्यूज । १२ डिसेंबर २०२१ । जिल्ह्यात आत्महत्येचे प्रमाण दिवसेंदिवस वाढतच आहे. अशात आज जळगावातील एका ३३ वर्षीय तरुणाने गळफास घेऊन आपली जीवनयात्रा संपवली. सुधीर नाना साळुंखे (वय-३३) असे आत्महत्या केलेल्या तरुणाचे नाव असून आत्महत्येमागील कारण अद्यापही कळू शकले नाहीय. याबबत रामानंदनगर पोलीस ठाण्यात अकस्मात मृत्यूची नोंद करण्यात आली आहे.
याबबत असे की, शहरातील समता नगरात राहणारा सुधीर साळुंखे हा तरूण आईवडील, पत्नी व भाऊ सोबत राहतो. नोकरीनिमित्त तो सुरत येथे वास्तव्याला होते. परंतु कोरोनामुळे कामाकाज बंद झाल्यानंतर ते पत्नीसह जळगावला आले होते. सध्या ते नोकरीच्या शोधात होते. शनिवारी ११ डिसेंबर रोजी रात्री कुटुंबियांसह जेवण करून सर्वजण झोपले होते. मध्यरात्री सर्वजण झोपलेले असतांना सुधीर साळुंखे यांनी राहत्या घरात गळफास घेवून आत्महत्या केल्याचे सकाळी उघडकीला आले.
आत्महत्या केल्याचे लक्षात आल्यानंतर कुटुंबियांनी एकच आक्रोश केला होता. घटनेची माहिती मिळताच रामानंदनगर पोलीस ठाण्याचे पोलीस कर्मचारी घटनास्थळी दाखल होवून पंचनामा केला. याप्रकरणी रामानंदनगर पोलीस ठाण्यात अकस्मात मृत्यूची नोंद करण्यात आला आहे. पुढील तपास पोलीस नाईक अतुल चौधरी करीत आहे. मयत सुधीरच्या पश्चात आई मालूबाई, वडील नाना साळुंखे, भाऊ मुकेश, पत्नी मोनाली, मुलगी पुर्वा आणि दीड वर्षाचा मुलगा असा परिवार आहे.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
