जळगाव लाईव्ह न्यूज । १४ मार्च २०२१ । विद्यार्थ्यांनी सर्वांगिण विकास, कौशल्य, वेगवेगळ्या स्पर्धेत जास्तीत जास्त भाग घ्यावा तसेच शिक्षण पूर्ण झाल्यावर फक्त नोकरीवर अवलबूंन न राहता. स्वत:चा व्यवसाय सुरु करण्यावर भर द्यावा असे प्रोत्साहनपर मार्गदर्शन गोदावरी अभियांत्रिकी महाविद्यालयाचे प्राचार्य डॉ.व्ही.एच.पाटील यांनी केले.
गोदावरी अभियांत्रिकी महाविद्यालयात बेसिक सायन्स अ‍ॅण्ड हुमॅनिटिस विभागांतर्गत ९ व १० मार्च रोजी व्यक्तिमत्व विकास, मुलाखत तंत्र तसेच हॉलीस्टीक डेव्हलपमेंट फॉर प्रोफेशनल इंजिनियर या विषयावर ऑनलाईन व्याख्यानाचा कार्यक्रम उत्साहात झाला. पुढे बोलतांना प्राचार्य डॉ.पाटील यांनी महाविद्यालयातील प्रत्येक विभागाचे बेसिक ज्ञान हे प्रत्येक विद्यार्थ्याला असायलाच हवे असे सांगितले.
कार्यक्रमाच्या अखेरीस विद्यार्थ्यांनीही प्रश्न विचारून शंकाचे निरसन करुन घेतले. हा कार्यक्रम अभियांत्रिकीच्या प्रथम आणि पॉलिटेक्निकच्या प्रथम वर्ष विद्यार्थ्यांसाठी राबविण्यात आला.
याप्रसंगी बेसिक सायन्स अ‍ॅण्ड ह्यमॅनिटिस विभागाचे विभागप्रमुख प्रा.डॉ.एन.एन.भोळे, पॉलिटेक्निकचे प्राचार्य डॉ.दिपक झांबरे हे उपस्थीत होते. कार्यक्रमाचे आयोजन प्रा.डॉ.सरोज भोळे, प्रा.ममता पाटील यांनी केले. कार्यक्रमाचे समन्वयक प्रा.डॉ.एन.एन.भोळे हे उपस्थीत होते. यशस्वीतेसाठी प्रा.ललिता पाटील, प्रा.संजय चौधरी, प्रा.जुनेरिया शेख, प्रा.चेतन विसपुते, प्रा.संजय चौधरी यांचे सहकार्य लाभले. सूत्रसंचालन प्रा.ममता पाटील यांनी केले.
संभाषणाचे महत्व, बॉडी लँग्वेजबाबत मार्गदर्शन
गोदावरी अभियांत्रिकीच्या प्रथम वर्षाच्या विद्यार्थ्यांसाठी आयोजित कार्यशाळेच्या दुसर्‍या दिवशी पर्सनॅलिटी डेव्हलपमेंट फॉर इंटरव्ह्यू टेक्निकवर प्रा.दिव्या पाटील यांनी मार्गदर्शन केले. त्या लायबिलिटी इन्फोटेक प्रायव्हेट लिमिटेड येथे एचआर आणि बीडीएम या पदावर आहे. तसेच त्या सध्या चाईल्ड सायकॉलॉजी चा अभ्यास करत असून व्हाईट हॅटच्या रिकन्सीजर आहेत. या कार्यक्रमात त्यांनी विद्यार्थ्यांना मुलाखतीसाठी जातांना कशी तयारी करावी याबाबत मार्गदर्शन केले. आय कॉन्टेक्ट, बॉडी लँग्वेज त्यानंतर पोशाख कसा असावा ? समुह चर्चेच्यावेळी कोणत्या समस्या येतात त्यासाठी कशी तयारी करावी ? याविषयी मुद्देसुदपणे विद्यार्थ्यांना समजवून सांगितले.
संभाषणाचे महत्व, व्यक्तिमत्व विकास याचे महत्व त्यांनी विद्यार्थ्यांना पटवून दिले. विद्यार्थ्यांचाही प्रतिसाद कार्यक्रमास लाभला. विद्यार्थ्यांनी आपले प्रश्न मांडले, त्यांच्या सर्व शंकाचे निरसन करण्यात आले. यावेळी महाविद्यालयाचे प्राचार्य डॉ.व्ही.एच.पाटील यांच्यासह समन्वयक प्रा.डॉ.सरोज भोळे, प्रा.ममता पाटील हे उपस्थीत होते. कार्यक्रमाच्या यशस्वीततेसाठी प्रा.ललीता पाटील यांनी सहकार्य केले, सूत्रसंचालन प्रा.डॉ.सरोज भोळे यांनी केले.
