जळगाव लाईव्ह न्यूज । २ फेब्रुवारी २०२२ । धावत्या रेल्वेतून पडून एका अनोळखी व्यक्तीचा मृत्यू झाल्याची घटना आज बुधवारी दुपारी शिरसोली येथील रेल्वे स्थानकाजवळ घडलीय. तालुका पोलीसांनी मृतदेहाचा पंचनामा करून जिल्हा शासकीय वैद्यकीय महाविद्यालयात दाखल केला. याप्रकरणी सायंकाळी ५ वाजता तालुका पोलीस ठाण्यात अकस्मात मृत्यूची नोंद करण्यात आली आहे.
याबाबत असे की, गोवा एक्सप्रेसमधून पडल्याने अनोळखी ३५ ते ४० वर्षीय अनोळखी व्यक्ती जागीच ठार झाला आहे. जळगाव पाचोरा दरम्यान शिरसोली रेल्वे स्टेशन जवळ खांबा क्रमांक ४०९/२४ ते २६ दरम्यान मृतदेह आढळून आला होता. याबाबत स्टेशन प्रबंधक योगेश खांबे यांनी शिरसोली येथील पोलीस पाटील श्रीकृष्ण पाटील यांना खबर दिली. त्यानुसार पोलीस पाटील यांनी तालुका पोलीस ठाण्याचे पोलीस ठाण्यात खबर देण्यात आली. तालुका पोलीस ठाण्याचे पोलीस कर्मचारी विश्वनाथ गायकवाड यांच्यासह पोलीस कर्मचारी यांनी घटनास्थळी धाव घेतली.
तालुका पोलीसांनी मृतदेहाचा पंचनामा करून जिल्हा शासकीय वैद्यकीय महाविद्यालयात दाखल केला. याप्रकरणी सायंकाळी ५ वाजता तालुका पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास पोहेकॉ विश्वनाथ गायकवाड करीत आहे.
हे देखील वाचा :
- गॅस गळतीमुळे सहा घरे जळून खाक ; एकाच दिवसात जिल्ह्यात आगीची दुसरी घटना
- 10वी, 12वी परीक्षेच्या निकालाबद्दल मोठी अपडेट ; कधी लागणार निकाल?
- मलकापुरातील राम नवमी महोत्सवास डॉ.केतकी पाटीलांनी उपस्थिती लावून घेतले दर्शन
- जळगावकरांनो काळजी घ्या ! जिल्ह्यात यंदाच्या हंगामातील सर्वाधिक तापमानाची नोंद
- डाळीनंतर आता तांदूळही महागला ; काय आहे प्रति किलोचा दर..