⁠ 
शुक्रवार, मार्च 29, 2024

बिग ब्रेकिंग : राज्यात येत्या काही तासात कडक लॉकडाऊन; लवकरच जिल्हाबंदी लावण्याची शक्यता?

जळगाव लाईव्ह न्यूज । २० एप्रिल २०२१ । राज्यातील कोरोना परिस्थिती दिवसेंदिवस हाताबाहेर जात आहे.यामुळे लवकरच राज्यात पुन्हा एकदा कडक लॉकडाऊनचे संकेत मिळत आहेत. राज्य मंत्रिमंडळाची बैठक आताच संपली आहे. या बैठकीनंतर प्रसारमाध्यमांशी संवाद साधताना नगरविकास मंत्री एकनाथ शिंदे यांनी राज्यात कडक लॉकडाऊन लागणार असल्याचे संकेत दिले आहेत.

“राज्यातील कोरोनाचे आकडे कमी करण्यासाठी कठोर निर्बंध आवश्यक आहेत. कडक लॉकडाऊन हवा, ही जनतेची भावना आहे. उपचार मिळत नाहीत, ऑक्सिजन नाही, परराज्यातून ऑक्सिजन आणतोय. ही चेन ब्रेक करण्यासाठी कठोर निर्बंध हवेत. ऑक्सिजन प्लाँट उभारून हवेतील ऑक्सिजन कामी आणण्याचा प्रयत्न सुरू आहे. मुख्यमंत्री उद्या निर्णय जाहीर करतील”, असंही एकनाथ शिंदे यांनी यावेळी स्पष्ट केले आहे.