⁠ 
सोमवार, मे 27, 2024

लग्नाचे आमिष दाखवून 23 वर्षीय महिलेवर वारंवार अत्याचार ; संशयित तरुणावर गुन्हा दाखल

जळगावातील बातम्यांसाठी ग्रुप जॉईन करा
WhatsApp Group Join Now
Google News Join Now

जळगाव लाईव्ह न्यूज । २ मे २०२४ । तरुणी-महिलांना लग्नाचे आमिष देऊन त्यांच्यावर होणाऱ्या अत्याचाराच्या घटना सातत्याने समोर येत आहे. अशीच एक घटना जळगाव शहरातून समोर आली आहे. लग्नाचे आमिष दाखवत २३ वर्षीय महिलेवर अत्याचार केल्याचा प्रकार उघडकीला आला. याबाबत संशयित विकास प्रकाश अडकमोल (वय २३ रा. गेंदालाल मिल, जळगाव) याच्याविरुद्ध एमआयडीसी पोलीस ठाण्यात एकावर गुन्हा दाखल करण्यात आला आहे.

नेमका प्रकार काय?
जळगाव शहरातील एका भागात २३ वर्षीय महिला आपल्या कुटुंबासह वास्तव्याला आहे. ८ मार्च २०२३ रोजी महिलेची ओळखी विकास प्रकाश अडकमोल रा. गेंदालाल मिल, जळगाव याच्याशी झाली. विकासने महिलेचा ओळखीचा फायदा घेत जवळीक साधली. त्यानंतर तिला लग्नाने आमिष दाखवत तिच्यावर वारंवार अत्याचार केला. त्यानंतर तिला शिवीगाळ व मारहाण करण्यास सुरूवात केली.

हा प्रकार सहन न झाल्याने अखेर पिडीत महिलेने एमआयडीसी पोलीस ठाण्यात धाव घेवून विकास अडकमोल याच्या विरोधात फिर्याद दिली. त्यानुसार बुधवारी १ मे रोजी रात्री १० वाजता संशयित आरोपी विकास प्रकाश अडकमोल याच्या विरोधात एमआयडीसी पोलीस ठाण्यात गुन्हा दाखल करण्यात आला आहे. पुढील तपास सहाय्यक पोलीस निरीक्षक दयानंद सरवदे हे करीत आहे.