जळगाव लाईव्ह न्यूज । १३ सप्टेंबर २०२२ । तुम्ही पीएम किसान सन्मान निधी योजनेचे (PM Kisan Samman Nidhi Yojana) लाभार्थी असाल तर ही बातमी तुमच्या कामाची आहे. योजनेच्या 12व्या हप्त्याचे पैसे खात्यात कधी जमा होणार याबाबतची उत्सुकता शेतकऱ्यांना लागून आहे. अशात जर तुम्ही पुढच्या हप्त्याचे पैसे खात्यात कोणत्या दिवशी जमा होणार असा विचार तुम्ही करत असाल, तर आता तुम्ही या गोष्टीवर कॉल करून जाणून घेऊ शकता. केंद्र सरकारने काही विशेष क्रमांक जारी केला आहे. ज्यावर कॉल करून तुम्ही मदत घेऊ शकता आणि तुम्हाला या क्रमांकावर संपूर्ण माहिती मिळेल.
‘या’ नंबरवर करा कॉल
कोट्यवधी शेतकऱ्यांच्या खात्यात लवकरच 2000 रुपयांचा हप्ता येऊ शकतो. या संदर्भात सरकारकडून अद्याप कोणतीही अधिकृत माहिती देण्यात आलेली नाही. मात्र 15 सप्टेंबर 2022 रोजी शेतकऱ्यांच्या खात्यावर 12 व्या हप्त्याचे पैसे जमा होऊ शकतात. आपल्या 12 व्या हप्त्याने पैसे खात्यावर जमा झाले की नाही हे तपासण्यासाठी तुम्ही 155261 या नंबर वर कॉल करू शकता. यावरून तुमच्या खात्यात पैसे जमा झाले की नाही, हे तुम्हाला समजेल.
ट्विटद्वारे माहिती दिली
Agriculture India ने आपल्या अधिकृत ट्विटमध्ये लिहिले आहे की, देशातील शेतकरी पंतप्रधान किसान सन्मान निधी योजनेसाठी केलेल्या अर्जाची स्थिती जाणून घेण्यासाठी 155261 वर कॉल करू शकतात. येथे तुम्हाला हप्त्याच्या अपडेट्सबद्दल माहिती मिळेल.
दरवर्षी 6000 रुपये मिळवा
या योजनेअंतर्गत केंद्र सरकारकडून दरवर्षी 6000 रुपयांची आर्थिक मदत दिली जाते. पीएम किसान योजनेचा लाभ 3 हप्त्यांमध्ये दिला जातो. शेतकऱ्याची आर्थिक स्थिती मजबूत करण्यासाठी केंद्र सरकारने ही योजना सुरू केली आहे.
तुमची हप्त्याची स्थिती तपासा-
तुम्हाला प्रथम अधिकृत वेबसाइट https://pmkisan.gov.in/ वर जावे लागेल.
यानंतर तुम्हाला उजव्या बाजूला ‘फार्मर्स कॉर्नर’ हा पर्याय दिसेल.
तुम्हाला ‘लाभार्थी स्थिती’ या पर्यायावर क्लिक करावे लागेल.
येथे एक नवीन पृष्ठ उघडेल.
आता तुम्हाला तुमच्या आधार क्रमांक, बँक खात्यातून कोणताही एक पर्याय निवडावा लागेल.
तुमच्या खात्यात पैसे येतील की नाही हे तुम्ही या 2 नंबरद्वारे तपासू शकता.
या दोनपैकी कोणत्याही एकाचा नंबर टाकल्यानंतर तुम्हाला ‘Get Data’ वर क्लिक करावे लागेल.
त्यावर क्लिक केल्यानंतर, तुम्हाला सर्व व्यवहारांची माहिती मिळेल.
