जळगाव लाईव्ह न्यूज । २३ जुलै २०२२ । यावल तालुक्यातील पिळोदा खुर्द येथील ग्रामपंचायतीचे कुलूप तोडून, एकाने संगणकासह साहित्याची नासधूस केली. या प्रकरणी यावल पोलिस ठाण्यात गुन्हा दाखल करण्यात आला आहे.
ग्रामपंचायत कार्यालयात मध्यरात्री संशयित देवेंद्र रतन कोळी याने कुलूप तोडून कार्यालयातील संगणक मॉनिटर, प्रिंटर आणि किबोर्ड अशा ६ हजार २०० रुपये किमतीच्या मुद्देमालाची नासधूस केली. याप्रकरणी यावल पोलिस ठाण्यात ग्रामसेवक हेमंत जोशी यांनी तक्रार दिली. संशयित कोळीविरुद्ध गुन्हा दाखल करण्यात आला आहे. पुढील तपास हवालदार सिकंदर तडवी करत आहेत.