जळगाव लाईव्ह न्यूज । नोकरी विशेष । तेल आणि नैसर्गिक वायू महामंडळ अर्थात ऑइल अँड नॅचरल गॅस कॉर्पोरेशन (ONGC) मध्ये अप्रेंटिस पदांच्या एकूण ३,०४७ जागांसाठी भरती प्रक्रिया राबवण्यात येत आहे. या भरतीमध्ये ट्रेड अप्रेंटिस, पदवीधर अप्रेंटिस आणि टेक्निशियन अप्रेंटिस या पदांचा समावेश आहे. दहावी, बारावी, आयटीआय, पदवी आणि अभियांत्रिकी डिप्लोमा उत्तीर्ण उमेदवारांना त्यांच्या पात्रतेनुसार या भरतीसाठी अर्ज करता येणार आहे. इच्छुक उमेदवारांना २० नोव्हेंबर २०२६ पर्यंत ऑनलाइन अर्ज करता येईल.
कोणत्या पदांसाठी किती जागा?
या भरतीअंतर्गत ट्रेड अप्रेंटिस पदाच्या १,९७३ जागा, पदवीधर अप्रेंटिस पदाच्या ८९० जागा आणि टेक्निशियन अप्रेंटिस पदाच्या १७४ जागा भरल्या जाणार आहेत. अशा प्रकारे एकूण ३,०४७ जागांवर उमेदवारांना संधी मिळणार आहे.
शैक्षणिक पात्रता काय?
१. ट्रेड अप्रेंटिस : या पदासाठी दहावी किंवा बारावी उत्तीर्ण अथवा संबंधित ट्रेडमधील आयटीआय उत्तीर्ण असणे आवश्यक आहे. यामध्ये COPA, ड्राफ्ट्समन (सिव्हिल), इलेक्ट्रिशियन, इलेक्ट्रॉनिक्स मेकॅनिक, फिटर, इन्स्ट्रुमेंट मेकॅनिक, मशीनिस्ट, मेकॅनिक मोटार व्हेईकल, डिझेल मेकॅनिक, मेडिकल लॅबोरेटरी टेक्निशियन (पॅथॉलॉजी), रेफ्रिजरेशन अँड एअर कंडिशनिंग मेकॅनिक, स्टेनोग्राफी (इंग्लिश), सर्व्हेअर आणि वेल्डर यांसारख्या ट्रेडचा समावेश आहे. फायर सेफ्टी टेक्निशियन पदासाठी संबंधित ट्रेडमधील आयटीआय किंवा दाव्यानुसार दहावीनंतर दोन वर्षांचा आयटीआय आवश्यक आहे.
२. पदवीधर अप्रेंटिस : या पदांसाठी बी.कॉम., बी.ए., बी.एस्सी., बीबीए, बीई किंवा बीटेक यांसारख्या पदव्या आवश्यक आहेत. संबंधित पदानुसार रसायनशास्त्र, वाणिज्य, भूगर्भशास्त्र किंवा अन्य विशिष्ट विषयांतील शैक्षणिक पात्रता लागू असेल.
३. टेक्निशियन अप्रेंटिस : या पदांसाठी संबंधित अभियांत्रिकी शाखेतील तीन वर्षांचा डिप्लोमा आवश्यक आहे. यामध्ये कॉम्प्युटर सायन्स, इलेक्ट्रॉनिक्स अँड टेलिकम्युनिकेशन, इलेक्ट्रिकल, सिव्हिल, इन्स्ट्रुमेंटेशन आणि मेकॅनिकल या शाखांचा समावेश आहे.
वयोमर्यादा किती?
या भरतीसाठी २९ नोव्हेंबर २०२६ रोजी उमेदवारांचे वय १८ ते २४ वर्षांच्या दरम्यान असणे आवश्यक आहे. अनुसूचित जाती आणि अनुसूचित जमातीच्या उमेदवारांना पाच वर्षांची, तर इतर मागासवर्गीय (OBC) उमेदवारांना तीन वर्षांची वयोमर्यादेत सूट देण्यात येणार आहे. आरक्षण आणि वयातील सवलतींसाठी अधिकृत जाहिरातीतील अटी लागू राहतील.
अर्ज शुल्क नाही; संपूर्ण भारतात नोकरीची संधी
या भरतीसाठी कोणतेही अर्ज शुल्क आकारले जाणार नाही. निवड झालेल्या उमेदवारांना संपूर्ण भारतात ONGC च्या विविध ठिकाणी अप्रेंटिस म्हणून काम करण्याची संधी मिळू शकते. उमेदवारांची निवड आणि नियुक्तीची प्रक्रिया अधिकृत भरती अधिसूचनेतील निकषांनुसार केली जाईल.
अर्ज कसा करावा
सर्वप्रथम, ओएनजीसीच्या अधिकृत वेबसाइट ongcindia.com ला भेट द्या.
वेबसाइटच्या करिअर्स विभागातील अप्रेंटिस भरतीची लिंक उघडा.
भरतीची अधिसूचना वाचा आणि आपली पात्रता तपासा.
ऑनलाइन अर्जाच्या लिंकवर क्लिक करा.
आवश्यक असलेली वैयक्तिक, शैक्षणिक आणि ट्रेडची माहिती भरा.
आवश्यक कागदपत्रे, फोटो आणि सही विहित नमुन्यात अपलोड करा.
अर्जामध्ये भरलेली सर्व माहिती तपासा आणि तो सबमिट करा.
भविष्यातील संदर्भासाठी अर्जाच्या पुष्टीकरण पृष्ठाची प्रिंटआउट डाउनलोड करून जतन करा.
