जळगाव लाईव्ह न्यूज । २६ मार्च २०२२ । जळगाव शहरातील शिवाजीनगर परिसरात राहणाऱ्या तीस वर्षीय तरुणाचा शनिवारी दुपारी तीन वाजेच्या सुमारास घरात घुसून निर्घुण खून करण्यात आला. घटनेची माहिती कळताच शहर पोलिसांनी धाव घेत पुढील कार्यवाहीला सुरुवात केली. दरम्यान, अवघ्या काही तासात एलसीबीच्या पथकाने महिलेसह एका संशयिताच्या मुसक्या आवळल्या आहेत.
जळगाव शहरात रिक्षा चालवून कुटुंबाचा उदरनिर्वाह भागविणाऱ्या नरेश आनंदा सोनवणे वय-३० या तरुणाचा शनिवारी दुपारी ३ वाजेच्या सुमारास शिवाजीनगर हुडको परिसरात खून करण्यात आला. घरात घुसलेल्या काही तरुणांनी चॉपरने वार करून नरेशचा खून केला होता. घटनेची माहिती कळताच सहाय्यक पोलीस अधीक्षक कुमार चिंथा, शहर पोलीस ठाण्याचे निरीक्षक विजय ठाकूरवाड हे पथकासह पोहचले होते.
दरम्यान, एलसीबीच्या पथकाने अवघ्या काही तासात रेल्वे स्टेशन परिसरातून महिलेसह आकाश सखाराम सपकाळे या संशयितांना ताब्यात घेतले आहे.