जळगाव लाईव्ह न्यूज । ३ मे २०२५ । मागच्या महिन्यात सोने दराने लाखाचा टप्पा गाठल्यानंतर आता घसरण होताना दिसत आहे. जळगाव सराफ बाजारात सलग तिसऱ्या दिवशी सोने दरात घसरण झाली. शुक्रवारी सोन्याचा दर प्रति तोळा ५०० रुपयांनी घसरला. यामुळे आता तोळ्यामागे भाव ९४ हजार रुपयांवर आले. दरम्यान, २२ एप्रिल रोजी ९९ हजार ३०० रुपयांपर्यंत पोहोचलेल्या सोने भावात दहा दिवसांतच ५३०० रुपयांची घसरण झाली आहे हे विशेष.
जळगाव सराफ बाजारात आज शनिवारी सकाळच्या सत्रात २४ कॅरेट सोन्याचा दर विनाजीएसटी ९४५०० रुपये तर २२ कॅरेटचा भाव विनाजीएसटी ८६,६२८ रुपये रुपये प्रति १० ग्रॅमवर पोहोचले आहे. तसेच चांदीचा दर विनाजीएसटी ९७००० रुपये प्रति किलो इतका आहे.
दरम्यान गेल्या महिन्यात काही दिवसांपासून सोने-चांदीचे भाव सातत्याने वाढत गेले. या भाववाढीमुळे २२ एप्रिलला सोने ९९ हजार ३०० रुपये प्रतितोळ्यापर्यंत पोहोचले.मात्र, नंतर ते भाव कमी-कमी होत आहे. त्यात आता तीन दिवसांपासून तर दररोज घसरण होत आहे.
२९ एप्रिल रोजी ९६ हजार ५०० रुपयांवर असलेल्या सोने भावात ३० एप्रिल रोजी अक्षय तृतीयेच्या मुहूर्तावर सकाळी १३०० रुपयांची घसरण होऊन ९५ हजार २०० रुपयांवर आले. त्यानंतर त्याच दिवशी संध्याकाळी त्यात ८०० रुपयांची वाढ होऊन ते ९६ हजार रुपयांवर पोहोचले. मात्र, २९ एप्रिलच्या तुलनेत त्यात ५०० रुपयांची घसरणच नोंदविली गेली. १ मे रोजी तर थेट दोन हजार रुपयांची घसरण झाली. तर काल शुक्रवारी ५०० रुपयाची घसरण झाली. दरम्यान, मागच्या दहा दिवसात सोन्याचा दर ५३०० रुपयांनी घसरला
