जळगाव लाईव्ह न्यूज । २९ डिसेंबर २०२१ । भुसावळ येथे आज सकाळी उघडकीस आलेल्या सुचिता शुभम बारसे (25) या महिलेच्या खुनाचा उलगडा अवघ्या चार तासात झाला आहे. कौटुंबिक वादातून महिलेचा पती तथा संशयीत आरोपी शुभम चंदन बारसे (26, कवाडे नगर, भुसावळ) यानेच हा खून केल्याचे पोलिसांच्या चौकशीत निष्पन्न झाले आहे. पोलिसांनी आरोपीला ताब्यात घेतले असून त्याच्याविरोधात शहर पोलिसात खुनाचा गुन्हा दाखल करण्याचे काम सुरू असल्याचे समजते.
याबाबत असे की, भुसावळातील कवाडे नगरातील रहिवासी असलेल्या सुचिता बारसे (25) या विवाहितेचा चाकूचे वार करून निर्घृण करण्यात आल्याची घटना बुधवारी पहाटे उघडकीस आली होती. सुचिता बारसे व पती शुभम बारसे यांच्यात या ना त्या कारणावरून खटके उडत असल्याने आरोपीने पत्नीला एका ठिकाणावरून नेत आरपीडी रस्त्यावरील सात नंबर पोलिस चौकीमागील जंगलात रात्रीच्या सुमारास आणले.
संशयीत आरोपी पतीने घरातील चाकूच्या सहाय्याने पत्नीवर आधी सपासप वार केले व नंतर तिचा गळा आवळून खून केला. त्यानंतर आरोपीने घटनास्थळावरून पळ काढला. दरम्यान, पहाटेच्या सुमारास एका महिलेचा रक्ताच्या थारोळ्यातील मृतदेह पडून असल्याची माहिती शहर पोलिसांना कळवल्यानंतर पोलिस यंत्रणेने धाव घेतली. काही वेळेतच उपस्थित नागरीकांच्या माध्यमातून मृत महिलेची ओळख पटवण्यात यश आले.
हे देखील वाचा :
- धक्कादायक ! झोळीत झोपलेल्या ८ महिन्यांच्या चिमुकल्याला चोरले..
- भयंकर ! दुचाकी घसरल्याने माय-लेकाला मागून येणाऱ्या टँकरने चिरडले
- भरधाव वाहनाच्या धडकेत दुचाकीस्वार दाम्पत्य ठार ; मुक्ताईनगर तालुक्यातील घटना
- रात्री लग्न, पहाटे दागिने घेऊन नववधू पसार ; जळगावात तिघांवर फसवणुकीचा गुन्हा दाखल
- Jalgaon : ‘त्या’ तरुणाच्या खुनाचा झाला उलगडा, खुनी पोलिसांच्या जाळ्यात