हनुमान जन्मोत्सव सोहळ्यात डॉ केतकीताई पाटील सहभागी
जळगाव लाईव्ह न्यूज । २३ एप्रिल २०२४ । अंजनीच्या सुता तुला रामाचं वरदान, एक मुखाने बोला, बोला जय जय हनुमान..सियावर रामचंद्र की जय, पवनसुत हनुमान की जय च्या गजर करीत गोदावरी फौंडेशन संचालिका डॉ केतकी ताई पाटील यांनी नशिराबाद येथील मिरवणुकीत सहभाग नोंदविला. श्री हनुमान जन्मोत्सवानिमित्त आज जिल्ह्यात विविध ठिकाणी धार्मिक महाप्रसादाचे आयोजन करण्यात आले होते. त्यानिमित्त डॉक्टर केतकीताई पाटील यांनी आज सकाळी यावल येथे महाजन गल्ली आयोजित श्री हनुमान आणि महादेव यांच्या प्राणप्रतिष्ठा सोहळ्यात उपस्थित राहून दर्शन घेतले.
तसेच सायंकाळी दिपनगर येथील जय बजरंग मित्र मंडळातर्फे श्री हनुमान जन्मोत्सवानिमित्त मिरवणुकीचे आयोजन करण्यात आले होते त्यासाठी उपस्थित राहून हनुमान जन्मोत्सवाच्या शुभेच्छा दिल्या.
या वेळी दीप नगर परिसराची माहिती जाणून घेतली. तसेच देशाचे पंतप्रधान आदरणीय नरेंद्रजी मोदी यांनी युवकांसाठी केलेल्या कार्याची माहिती दिली तसेच देशाचे योग्य नेतृत्व घडवण्यासाठी अवश्य मतदान करा असेही आवाहन केले. या प्रसंगी गजुभाऊ तायडे, स्वप्नील तायडे, किशोर सपकाळे, जयेश गाजरे यांच्यासह लहान मुले उपस्थित होते.
नशिराबाद येथील मिरवणुकीसह सजीव आरासाने वेधले लक्ष
नशिराबाद येथील बलभीम व्यायाम शाळेतर्फे आज हनुमान जन्मोत्सवानिमित्त भव्य मिरवणूक काढण्यात आली. यात पालखी, मल्लखांब, आखाडा यासह सजीव आरास करण्यात आली. हे सर्व मिरवणुकीचे आकर्षण ठरले. या प्रसंगी गोदावरी फाउंडेशनच्या संचालिका डॉक्टर केतकीताई पाटील ह्यांनी उत्स्फूर्तपणे सहभागी होऊन श्री हनुमान जन्मोत्सवाच्या शुभेच्छाही दिल्यात. यावेळी लालचंद भास्कर पाटील, योगेश नारायण पाटील उर्फ पिंटू शेठ, किरण पाटील, सचिन भोळे, गुंजन पाटील, बंटी माळी, नीरज पाटील, पूर्वेश येवले, भावेश रोटे, नितेश पाटील, योगेश जगताप आदी मोठ्या संख्येने उपस्थित होते.
