जळगाव लाईव्ह न्यूज । २६ एप्रिल २०२१ । जळगाव शहरातील पिंप्राळा परिसरात मैत्रिणीच्या सासरी तिचा कौटुंबिक वाद सोडविण्यासाठी गेलेल्या समाजसेविकेचा विनयभंग केल्याचा प्रकार दि.२५ रोजी घडला. याप्रकरणी रामानंद नगर पोलिसात गुन्हा दाखल करण्यात आला आहे.
शहरातील समाजसेविका (वय-२५) या दि.२५ रोजी दुपारी १ वाजता मैत्रिणीच्या सासरी त्रिमूर्ती सोसायटी पिंप्राळा येथे तिचा कौटुंबिक वाद सोडविण्यासाठी गेलेली होती. वाद सोडविताना मैत्रिणीचे नातेवाईक राकेश राजेश गोटे व भारती राजेश गोटे यांनी समाजसेविकेसोबत वाद घालत शिवीगाळ करून अश्लील वर्तन केले. याप्रकरणी रामानंद नगर पोलिसात गुन्हा दाखल करण्यात आला आहे. तपास विजय खैरे करीत आहे.
