जळगाव लाईव्ह न्यूज । २७ जानेवारी २०२६ । गेल्या काही दिवसापासून सोन्यासह चांदीचे दर सातत्यानं वाढताना दिसत आहे. यामुळे दोन्ही धातूंच्या दराने ऑलटाइम हाय गाठला आहे. सर्वसामान्य लोकांच्या आवक्याच्या बाहेर जाणाऱ्या सोन्या-चांदीच्या दरांची घोडदौड अजूनही थांबलेली नाही.
आज म्हणजेच 27 जानेवारी रोजी देशांतर्गत वायदा बाजारात चांदीच्या किमतीत मोठी वाढ दिसून येत आहे. दुसरीकडे सोन्याचा दर स्थिर दिसून आला. goodreturns संकेतस्थळानुसार, आज चांदी दरात १० हजार रुपयाची वाढ दिसून आली. यामुळे चांदीचा एक किलोचा दर ३,७०,००० रुपयावर पोहोचला आहे.
२४ कॅरेट सोन्याचा दर १,६१,९५० रुपये प्रति तोळा इतका आहे. २२ कॅरेट सोन्याचा दर प्रति तोळा १,४९,१५० रुपयांवर स्थिर आहे. तर १८ कॅरेट सोन्याचा दर प्रति तोळा१,२२,०३० रुपये आहे.
सोन्याचे दर गेल्या काही दिवसांपासून ऐतिहासिक उच्चांकावर आहेत. आज किमती न वाढल्यामुळे जे ग्राहक दागिने खरेदीचा विचार करत आहेत, त्यांच्यासाठी आजचे दर महत्त्वाचे ठरतील. तथापि, हे दर जीएसटी (GST) आणि मेकिंग चार्जेस विरहित आहेत, याची नोंद घ्यावी.
