जळगाव लाईव्ह न्यूज । २५ जुलै २०२६ । सोन्या-चांदीची खरेदी करण्याचा विचार करणाऱ्यांसाठी महत्त्वाची बातमी आहे. गेल्या काही दिवसांपासून सुरू असलेली दरातील चढ-उताराची मालिका कायम असून, २५ जुलै रोजी जळगाव सराफ बाजारात सोन्या-चांदीच्या दरात पुन्हा मोठी वाढ झाली आहे. विशेष म्हणजे, चांदीच्या दरात एका दिवसात तब्बल ₹५ हजार प्रति किलो वाढ झाली आहे.
यापूर्वी २४ जुलै रोजी सोन्याच्या दरात सुमारे ₹१,८५० आणि चांदीच्या दरात ₹५०० इतकी घसरण झाली होती. मात्र, दुसऱ्याच दिवशी बाजारात तेजी परतल्याने सोन्या-चांदीच्या किमती पुन्हा वाढल्या आहेत.
Goodreturuns ने दिलेल्या माहितीनुसार, जळगाव सराफ बाजारात आज सकाळी बाजार सुरू होताच २४ कॅरेट सोन्याच्या १० ग्रॅम दरात ₹६००ची वाढ होऊन तो ₹१,४४,९३० वर पोहोचला. तसेच २२ कॅरेट सोन्याचा दर ₹५५०ने वाढून ₹१,३२,८५०, तर १८ कॅरेट सोन्याचा दर ₹४५०ने वाढून ₹१,०८,७०० प्रति १० ग्रॅम झाला आहे.
दुसरीकडे, चांदीच्या दरातही मोठी तेजी दिसून आली. प्रति किलो चांदीचा दर ₹५,०००ने वाढून ₹२,४०,००० इतका झाला आहे.
सराफ व्यावसायिकांच्या मते, जागतिक बाजारातील हालचाली, डॉलरमधील चढ-उतार आणि सुरक्षित गुंतवणुकीकडे वाढलेला कल यामुळे सोन्या-चांदीच्या दरात अस्थिरता कायम आहे. त्यामुळे आगामी काही दिवसांतही दरात चढ-उतार सुरू राहण्याची शक्यता व्यक्त केली जात आहे.
