आजचा सोने – चांदीचा भाव : ५ नोव्हेंबर २०२१

जळगाव लाईव्ह न्यूज । ०५ नोव्हेंबर २०२१ । गेल्या वर्षीपेक्षा यंदाच्या दिवाळीत सोन्याच्या भावात घसरण दिसून आली आहे. दरम्यान, जळगावात सराफ बाजारात दिवाळीच्या दिवशी सोने आणि चांदीच्या भावात मोठी झाली नोंदविली गेलीय. काल (४ नोव्हेंबर) सोने ६४० रुपयाने तर चांदी ७८० रुपयांनी स्वस्त झालं. त्यामुळे जळगाव सराफ बाजारात आज सोन्याचा २४ कॅरेट सोन्याचे दर ४८,१०० रुपये प्रति तोळा इतका आहे. तर चांदी ६३,९३० रुपये प्रति किलो इतका आहे.

जळगावच्या सराफा बाजारात वसुबारसेच्या दिवशी सोमवारी २४ कॅरेट सोन्याचे दर १० ग्रॅमच्या मागे ४८,७५० रुपये नोंदवले गेले, तर चांदीचे दर किलोमागे ६६,०५० रुपये नोंदवले गेले. धनत्रयोदशी दिवशी मंगळवारी २४ कॅरेट सोन्याचे दर १० ग्रॅमच्या मागे ४९ हजार ३० रुपये नोंदवले गेले, आणि चांदीचे दर किलोमागे ६६ हजार ३१० रुपये नोंदवले गेले.

बुधवारी सोन्याचे भाव जवळपास २९० रुपयांनी स्वस्त झाले. 24 कॅरेट सोन्याचे दर १० ग्रॅमच्या मागे ४८ हजार ७४० रुपये नोंदवले गेले, तर चांदीमध्ये १७०० रुपयांची घसरण झाली. किलोमागे चांदीचे दर ६४ हजार ७१० रुपये नोंदवले गेले. गुरुवारी म्हणजेच दिवाळीच्या दिवशीही सोने-चांदी स्वस्त होते. २४ कॅरेट सोन्याचे दर १० ग्रॅमच्या मागे ४८ हजार १०० रुपये नोंदवले गेले, चांदीचे दर किलोमागे ६३,९३० रुपये नोंदवले गेले.

मागील गेल्या महिन्यात सोन्याच्या किंमतीत वाढ दिसून आली. गेल्या महिन्यात सोन्याच्या भावात जवळपास १५०० ते १६०० रुपयाची वाढ झालीय. तर दुसरीकडे चांदी देखील महागली आहे. गेल्या महिन्यात चांदीच्या भावात ५५०० हजार रुपयाची वाढ झालीय. यावर्षी कोरोनाचा प्रादुर्भाव नसल्याने धनत्रयोदशीला सोने व चांदीच्या खरेदीसाठी ग्राहकांचा अपूर्व उत्साह पाहायला मिळाला. मंगळवारी धनत्रयाेदशीला सुवर्णनगरी जळगावात किमान ३५ ते ४० काेटींची उलाढाल झाल्याचा अंदाज जाणकार व्यावसायिकांनी वर्तविला आहे.

गतवर्षीपेक्षा दर कमी

सराफ बाजारात नेहमी चढउतार पाहण्यास मिळत असतात. सोन्‍याचे दर सातत्‍याने वाढत असतात. यंदा मात्र चित्र उलटे असून सोन्‍याचे दर कमी झाले आहेत. याउलट गतवर्षी जळगाव सुवर्णबाजारात सोन्‍याचे दर ५१ हजाराच्‍या वर पोहचले होते. यंदा मात्र ते खाली आले असून ४८ हजार ५०० रूपयांपर्यंत आले आहेत. यामुळे खरेदीचा मुहूर्त साधला जात आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज