जळगाव लाईव्ह न्यूज । १० मार्च २०२१ । पाचोरा तालुक्यातील नगरदेवळा – खाजोळा – सार्वे बु” येथील पुलाचे निर्माणासाठी २ कोटी रुपये निधी मंजूर झाला आहे.
पाचोरा तालुक्यातील नगरदेवळा – खाजोळा – सार्वे बु” तालुका हद्द सा. क्र. २२/८६० टी. आर. ०९ येथील पुलाचे निर्माणासाठीचा प्रस्ताव पाचोरा-भडगाव मतदारसंघाचे आमदार किशोर पाटील आमदार यांनी राज्याचे ग्रामविकास मंत्री हसन मुश्रीफ यांच्याकडे सादर केला होता. तो प्रस्ताव पास करत हसन मुश्रीफ यांनी २ कोटी रुपये निधीस मंजुरी देऊन निधी उपलब्ध करून दिला. प्रशासकीय मान्यता देखील प्राप्त झालेली आहे.
सदर विकासकामांना भरीव निधी उपलब्ध करून देणेकामी महाराष्ट्र राज्याचे मुख्यमंत्री उद्धव ठाकरे यांनी केलेल्या आदेशानव्ये तथा जिल्ह्याचे पालकमंत्री गुलाबराव पाटील, ग्रामविकास राज्य मंत्री अब्दुल सत्तार यांच्या सहकार्यांने निधी उपलब्ध करून देण्यात आल्यामुळे मुख्यमंत्री तथा पालकमंत्री यांनी विकास कामासाठी निधी उपलब्ध करून दिल्यामुळे परिसरातील नागरिकांनी आनंद व्यक्त केला आहे.
