जळगाव लाईव्ह न्यूज । रामनवमीच्या शुभ मुहूर्तावर डॉ. उल्हास पाटील कॉलेज ऑफ फिजिओथेरपीच्या नव्या इमारतीचे प्रथम भूमिपूजन समारंभ जळगाव येथे पार पडला.
समारंभाचे प्रमुख पाहुणे म्हणून डॉ. उल्हास पाटील व डॉ. वर्षा पाटील उपस्थित होते. या मंगल कार्याची पूजा राजपुरोहीत डी.टी.राव यांनी मंत्रघोषात डॉ. जयवंत नागुळकर व डॉ. कल्याणी नागुळकर यांच्या हस्ते विधीवत पूजा करून शुभारंभ केला. या प्रसंगी प्रशासक राहुल गिरी यांची विशेष उपस्थिती लाभली.या कार्यक्रमाला महाविद्यालयातील सर्व प्राध्यापक व कर्मचारी वर्ग मोठ्या संख्येने उपस्थित होते. नवीन महाविद्यालय भविष्यात उत्कृष्ट फिजिओथेरपी शिक्षण देणारे केंद्र ठरेल, तसेच दर्जेदार आरोग्यसेवा व कुशल तज्ज्ञ घडविण्यात महत्त्वाची भूमिका बजावेल, असा विश्वास माजी खा.डॉ. उल्हास पाटील यांनी व्यक्त केला.
समारोप प्रार्थनेने झाला आणि समाजसेवेच्या उद्देशाने आधुनिक व उत्कृष्ट शैक्षणिक संस्था उभारण्याचा निर्धार व्यक्त करण्यात आला. रामनवमी निमित्ताने महाविद्यालयात विशेष पूजा व आरती करण्यात आली.भजन, स्तोत्र पठण यामुळे कार्यक्रमाची शोभा अधिकच वाढली.
