जळगाव लाईव्ह न्यूज । १ फेब्रुवारी २०२२ । फांद्या तोडण्यासाठी झाडावर चढलेल्या शेतकऱ्याचा झाडावरुन तोल जाऊन खाली पडल्याने जागीच मृत्यू झाल्याची घटना सोमवारी जामनेर तालुक्यातील शेरी येथे घडली. युवराज शंकर पांढरे(वय ५४) असे मृत शेतकऱ्याचे नाव असून याबाबत पहूर पोलिसात अकस्मात मृत्युची नोंद करण्यात आली आहे.
युवराज पांढरे हे सोमवारी दुपारी नेहमीप्रमाणे शेतात गेले होते. बांधावरील झाडाच्या फांद्या तोडण्यासाठी ते झाडावर चढले होते. अचानक त्यांचा तोल जाऊन ते खाली कोसळले. यावेळी इतर शेतकऱ्यांना ही घटना लक्षात येताच त्यांनी धाव घेत युवराज पांढरे यांना पहूर ग्रामीण रुग्णालयात दाखल केले. डॉक्टरांनी त्यांना मृत घोषित केले.
यावेळी शेरी येथील नागरिकांनी रुग्णालयात गर्दी केली होती. संजय पांढरे यांच्या माहितीवरून पहूर पोलिसात अकस्मात मृत्युची नोंद झाली. मृत पांढरे यांच्या पश्चात दोन मुले, पत्नी, भाऊ असा परिवार आहे.
हे देखील वाचा :
- प्रवाशांनो लक्ष द्या ! वर्धा-भूसावळ एक्स्प्रेस व नाशिक-बडनेरा मेमू ‘या’ तारखेला रद्द
- तळीरामांनो सावधान ! जळगावात बनावट दारुचा कारखाना उध्वस्त, 75 लाखापेक्षा अधिकचा मुद्दामाल जप्त
- 12वी उत्तीर्णांना भारतीय नौदलात अग्निवीर होण्याची सुवर्णसंधी.. महाभरती जाहीर
- प्रतीक्षा संपणार! बजाजची CNG बाईक पुढील महिन्यात लाँच होणार, किती मायलेज देईल??
- निर्यातबंदी उठताच कांद्याच्या दरात मोठी वाढ ; शेतकऱ्यांमध्ये आनंदाचं वातावरण
