जळगाव लाईव्ह न्यूज । १२ मार्च २०२१ । एरंडोल नगरपालिका संकुलातील मुदत संपलेल्या गाळे द्यावे यासाठी दीड लाख रूपयांची लाख घेणाऱ्या लाचखोर कार्यालय अधिक्षकास लाचलुचपत विभागाने रंगेहात पकडले आहे.
याबाबत सविस्तर माहिती अशी कि, नगरपालिका दुकान संकुलातील करार संपल्याने सील केलेले गाळे लिलावामध्ये ताब्यात देवून इतर गाळ्यांना नोटीस न देण्यासाठी कर निर्धारण व प्रशासकीय विभागातील कार्यालय अधिक्षक संजय दगडू ढमाळ (वय-५१) रा. म्हाडा कॉलनी अमळनेर यांनी दोन लाख रूपयांची लाचेची मागणी केली होती.
याबाबत जळगाव येथील लाचलुचपत विभागाकडे तक्रार करण्यात आली होती. त्यानुसार आज लाचलुचपत विभागाने दुपारी सापळा रचून संशयित आरोपी संजय ढमाळ यांना तडजोड करून दीड लाख रूपये स्विकारतांना रंगेहात पकडले.
ही कारवाई धुळे एसीबी उपअधिक्षक सुनिल कुऱ्हाडे यांच्या मार्गदर्शनाखाली सुधीर सोनवणे, संतोष हिरे, कृष्णकांत वाडीले, प्रशांत चौधरी, राजन कदम, सुधीर मोरे यांनी केली.
