जळगाव लाईव्ह न्यूज । १५ जानेवारी २०२२ । टॉवर चौकातून दुचाकीवर जात असलेल्या दाम्पत्याला शुक्रवारी सकाळी ११.१५ वाजता शहर पोलिसांनी विनामास्क असल्याने हटकले. त्याचा राग आल्याने लोकांकडे खाण्यासाठी पैसे नाहीत. पोलिस वाळूचे पैसे घेतात, असे आरोप करून उपोषणाला बसणार असल्याचे सांगत दाम्पत्याने हुज्जत घातली.
पोलिस ठाण्यात व्हिडिओ शूटिंगही केले. याप्रकरणी दांपत्याविरुद्ध शहर पोलिस ठाण्यात गुन्हा दाखल झाला आहे. पतीला अटक केली असून, त्यांच्यासोबत लहान मुलगा असल्याने पत्नीला घरी जाऊ दिले. पत्नीलाही पोलिस अटक करणार आहे.
नारायण प्रकाश जगताप (वय ३६, रा. खोटेनगर) व त्यांची पत्नी असे गुन्हा दाखल करण्यात आलेल्या दाम्पत्याचे नाव आहे.
शुक्रवारी सकाळी १० वाजता टॉवर चौकात विनामास्क फिरणाऱ्या नागरिकांवर दंडात्मक कारवाई व नाकाबंदीसाठी पोलिस उपनिरीक्षक जगदीश मोरे, जमशेर तडवी, अानंदा राठोड, ललित भदाणे, प्रफुल्ल धांडे यांची नेमणूक केेली होती. सकाळी ११.१५ वाजता एमएच-१९-बीडब्ल्यू-८२०२ या क्रमांकाच्या दुचाकीवरील वाहनचालकास पोलिसांनी थांबवले. दुचाकीस्वारासह पाठीमागे बसलेल्या महिलेनेही तोंडावर मास्क लावलेला नव्हता. त्याबाबत पोलिसांनी विचारणा केली. त्यावेळी त्यांनी पाेलिसांशी हुज्जत घातली.
हे देखील वाचा :
- त्या कंत्राटदारावर फौजदारी गुन्हा दाखल झालाच पाहिजे ; आसोदा पुलावरून मंत्री गुलाबराव पाटील कडाडले
- निराधार व गरजू विद्यार्थ्यांना शैक्षणिक साहित्याचे वाटप
- मुक्ताईनगरातील ट्रॅव्हल्समधील डिझेल चोरीचा उलगडा, भिवंडीतील दोन आरोपी जेरबंद
- शालार्थ आयडी घोटाळा ! एका ‘फोन कॉल’ने डिस्चार्ज रद्द करून संजय गरुड पुन्हा रुग्णालयात; राजकीय हस्तक्षेपाची चर्चा
- महाराष्ट्रात पाऊस घेणार ‘ब्रेक’; ‘या’ तारखेनंतरच जोरदार पुनरागमन; वाचा हवामान अंदाज..
