जळगाव लाईव्ह न्यूज । महाराष्ट्रातील राजपूत समाजाचे युवा नेते डॉ. दिपकसिंह राजपूत यांनी नवी दिल्ली येथे देशाचे संरक्षण मंत्री राजनाथसिंह यांची त्यांच्या शासकीय निवासस्थानी सदिच्छा भेट घेतली. राजनाथसिंह यांच्या वाढदिवसाचे औचित्य साधून डॉ. राजपूत यांनी त्यांना प्रत्यक्ष भेटून वाढदिवसाच्या मनःपूर्वक शुभेच्छा दिल्या.
या भेटीदरम्यान डॉ. दिपकसिंह राजपूत यांनी जळगाव जिल्हावासीयांच्या वतीने राजनाथसिंह यांचा शाल व पुष्पगुच्छ देऊन जाहीर सत्कार केला.डॉ. राजपूत यांनी दिलेल्या माहितीनुसार, या भेटी दरम्यान कौटुंबिक खुशालीसोबतच विविध सामाजिक प्रश्न आणि राजकीय घडामोडींवर सकारात्मक चर्चा झाली.
