जळगाव लाईव्ह न्यूज । ४ एप्रिल २०२१ । जळगाव जिल्ह्यातील कोरोना रुग्ण कमी होत नाहीये. आज देखील ११७९ नवीन कोरोना पॉझिटिव्ह रुग्ण आढळून आले आहेत. तर गेल्या २४ तासात ११५९ रुग्ण कोरोनामुक्त झाले आहे. दरम्यान, आज १४ रुग्णांचा मृत्यू झाला आहे.
जळगाव जिल्ह्यात कोरोनाचा कहर सुरूच असून दररोज येणाऱ्या रुग्णांची संख्या वाढतच आहे. दरम्यान, जळगाव शहरानंतर आता चोपडा तालुक्यात कोरोनाची स्थिती गंभीर होत चालली आहे. भुसावळमध्येही आज दीडशेहून अधिक रुग्ण आढळून आले आहे.
त्यामुळे जिल्ह्यात आतापर्यंत बाधितांची संख्या ९३ हजार ६०० झाली आहे. तर आज ११५९ कोरोना रुग्ण आजारातून बरे होऊन घरी गेले आहे. त्यामुळे आतापर्यंत बरे होणार्या रुग्णांची एकूण संख्या ८० हजार ३३९ वर गेली आहे. मात्र जिल्ह्यात मागील काही दिवसापासून सुरु असलेला कोरोना मृताच आकडा वाढतच आहे. यामुळे प्रशासनाची चिंता वाढली आहे, आज १४ रुग्णांचा मृत्यू झाला असून एकूण मृताच आकडा १६८२ वर गेला आहे. जिल्ह्यात महिनाभरापासून वाढणाऱ्या संसर्गामुळे ॲक्‍टिव्ह रूग्‍णांचा आकडा देखील वाढत आहे. ११ हजार ५७९ रुग्ण उपचार घेत आहे.
आज जळगाव शहर २४८, जळगाव तालुका २३, भुसावळ १५५, अमळनेर ५१; चोपडा २५७; पाचोरा ३६; भडगाव २९; धरणगाव ६१; यावल ५२; एरंडोल ३७, जामनेर ५५; रावेर ६८, पारोळा ३२; चाळीसगाव ०६, मुक्ताईनगर ०९; बोदवड ४९ आणि इतर जिल्ह्यातील ०१ असे ११७९ रूग्ण आढळून आले आहेत.
जळगावकरांनी लवकरात लवकर नियमांचे पालन करून कोरोनाला अटकाव करणे गरजेचे आहे. अन्यथा पुन्हा एकदा लॉकडाऊन होण्याची शक्यता आहे.
