जळगाव लाईव्ह न्यूज । १२ मार्च २०२१ । जळगाव जिल्ह्यातील कोरोना तांडव कमी होण्याचे नाव घेत नाहीये. आज जळगावात विक्रमी तब्बल ९८२ नवीन आढळून आले आहेत. दरम्यान, आज ५ जणांचा मृत्यू झाला आहे.
जळगाव जिल्ह्यात कोरोनाची दुसरी लाट अधिक तीव्रतेने जाणवत आहे. दुसऱ्या लाटेत आता रुग्णसंख्या जशी वाढत आहे, तसे मृत्यूही वाढत आहेत. पाच दिवसांपासून दररोज पाच-सहा रुग्णांचा बळी जात आहे. शुक्रवारी ५ जणांचा बळी गेला. त्यामुळे एकूण बळींचा आकडा १४३२ झाला आहे.
जिल्ह्यात आतापर्यंत एकुण ६८ हजार ६९२ बाधित रूग्ण आढळून आले आहे. त्यापैकी ६० हजार ५१७ रूग्ण बरे होवून घरी परतले आहे. तर ६ हजार ७१३ बाधित रूग्ण विविध कोवीड रूग्णालयात उपचार घेत आहे.
जळगाव शहरात सर्वाधिक ३६३ कोरोना पॉझिटिव्ह रुग्ण आढळून आले आहेत. जळगाव ग्रामीण-१९, भुसावळ-१९८, अमळनेर-१४, चोपडा-७४, पाचोरा-३०, भडगाव-१, धरणगाव-८, यावल-११, एरंडोल-४, जामनेर-४०, रावेर-१८, पारोळा-४७, चाळीसगाव-१४२, मुक्ताईनगर-४, बोदवड-६ आणि इतर जिल्ह्यातून ३ असे एकुण ९५४ बाधित रूग्ण आढळून आले आहे. आता जिल्ह्यात एकूण ६८,६६२ पॉझिटिव्ह रुग्ण आहेत.