जळगाव लाईव्ह न्यूज । १० मे २०२१ । जळगाव शहरातील सिंधी कॉलनीत विनापरवाना विदेशी दारूची विक्री करणाऱ्या एकावर गुन्हा दाखल करत ९ हजार २४० रुपयाचा मुद्देमाल पोलिसांनी हस्तगत केला. भारत शाम कुकरेजा(वय २५ वर्षे. रा.बाबा खोली, सिंधी कॉलनी) असे अटक केलेल्या संशयित आरोपीचे नाव आहे.
याबाबत असे की, शहरातील बाबा खोली, सिंधी कॉलनीत विदेशी दारूची विक्री होत असल्याची माहिती पोलिसांना मिळाली होती. त्यानुसार पोलिसांनी सिंधी कॉलनीत जाऊन वाहन दूर उभे करून पान टपरीच्या आडोशाला एक इसम हा एका प्लास्टिकच्या मोठ्या पिशवीतून काहीतरी काढताना दिसला. यावेळी पोलिसांनी त्याच्यावर अचानक रात्री छापा टाळून त्याच्या ताब्यातील पिशवी खोलून पाहता त्यात विदेशी दारू व बियरच्या बाटल्या आढळून आल्या आहे.
त्यात ९ हजार ९५० किंमतीच्या मॅकडॉल्ड नंबर 01 व्हीस्की कंपनीच्या 180 एम.एल. मापाच्या विदेशी दारुच्या 33 बाटल्या, २ हजार २१० रु किंमतीच्या किंगफिशर स्ट्रॉग कंपनीच्या 750 एल. एल. मापाच्या काचेच्या बियरच्या बाटल्या, 2,080/- रु किमतीचे किंगफिशर स्टॉग कंपनीचे 500 एम.एल. मापाचे बियरचे कंपनी सिलबंद बाटल्या असा एकूण ९ हजार २४० रुपयाचा मुद्देमाल हस्तगत केला. यावेळी विनापरवाना विदेशी दारूची विक्री केल्याने भारत कुकरेजाविरुद्ध गुन्हा दाखल करण्यात आला आहे.
