जळगाव लाईव्ह न्यूज । २० जानेवारी २०२२ । भुसावळचे आमदार संजय सावकारे यांची कार परिवहनमंत्री अनिल परब यांच्या नावावर ट्रान्सफर केल्याप्रकरणी सायबर पोलिस ठाण्यात गुन्हा दाखल आहे. चाैकशीअंती बुधवारी अशोक विठ्ठल पाटील, अकिल शेख रहमान शेख, प्रशांत जगन्नाथ भाेळे या तिघांना पाेलिसांनी अटक केली.
खोटेनगरातील अशोक पाटील यांचा माेबाइल वापरला गेला आहे. दरम्यान, आरटीओ एजंट पप्पू भोळेने हा मोबाइल वापरल्याचा दावा त्यांनी केला आहे. तर अकिल नावाच्या एजंटने त्यांचा मोबाइल नंबर अपडेट करून दिला असल्याची तांत्रिक माहिती सायबर पोलिसांना मिळाली. त्यानुसार या तिन्ही जणांना ताब्यात घेऊन त्यांची कसून चाैकशी झाली.
दुसरीकडे दक्षता समितीमधील सहायक परिवहन आयुक्त दिनकर मनवर व राजेंद्र मदने या दोघांनी ६ व ७ जानेवारी रोजी जळगावात येऊन आरटीओ कार्यालयात झाडाझडती घेतली. अधिकारी, कर्मचाऱ्यांनी कामात हलगर्जीपणा केल्याचे आढळले. यानंतर जे. बी. कुलकर्णी, गणेश देवरे, सुनील पाटील व मनोज पाटील या चार लिपिकांना निलंबित करण्यात आले. त्यानंतर बुधवारी पाेलिसांच्या पथकाने चाैकशीअंती तीन जणांना अटक केली आहे, अशी माहिती पोलिस निरीक्षक लीलाधर कानडे यांनी दिली. दरम्यान पुढील तपासात अजून काय पुढे येते, याबाबत उत्सुकता व्यक्त केली जात आहे.
हे देखील वाचा :
- Jalgaon : दुकान फोडून तांब्याची चोरी, पोलिसांनी दोघा चोरट्यांच्या आवळल्या मुसक्या
- Jalgaon : अवघ्या सात दिवसांवर लग्न, त्यापूर्वीच तरुणाने उचललं धक्कादायक पाऊस
- Amalner : दूध विक्रीकरून वडिलांना हातभार लावणाऱ्या ‛भाग्यश्री’चा अज्ञात वाहनाने घेतला जीव
- Bhusawal : गावठी कट्ट्याने गोळी झाडून प्रौढाने संपविले जीवन
- विजेच्या धक्क्याने महावितरणच्या कंत्राटी कामगाराचा मृत्यू ; मुक्ताईनगर तालुक्यातील घटना
