जळगाव लाईव्ह न्यूज । १४ फेब्रुवारी २०२२ । जामनेर-बोदवड रस्त्यावरील कांग नदीपात्रात शुभम नंदू माळी याचा मृतदेह आढळून आला होता. जवळ दुचाकी देखील पडली होती. दरम्यान, हा अपघातात नसून उसनवारीच्या रुपयांवरून मामेभाऊ पवन अशोक माळी (रा. बोदवड) याने त्याचा खून केल्याची कबुली दिली आहे. शुभमला कांग नदीच्या पुलावरून फेकून दिल्यानंतर अपघात दाखवण्यासाठी त्याची दुचाकी खाली फेकली. तेरा दिवसांनंतर या खुनाचा उलगडा झाला.
काय आहे नेमकी घटना?
३१ जानेवारी रोजी सकाळी शुभमचा मृतदेह जामनेर-बोदवड रस्त्यावरील कांग नदीपात्रात आढळून आला. जवळच दुचाकीही पुलाखाली पडली होती. यामुळे खळबळ उडाली हाेती. या युवकाची हत्या झाल्याचे प्रथम दर्शनी समजत असले तरी घटनेबाबत ठोस पुरावे घटनास्थळी न आढळल्याने जामनेर पोलिस ठाण्यात या प्रकरणी केवळ अकस्मात मृत्यू म्हणून नोंद करण्यात आली हाेती.
दरम्यान, गुजरात येथून ट्रक चालवून येत असलेल्या शुभमने धुळ्यातून कुटंुबीयांना फाेन केला होता. मध्यरात्री घरी येईन, असा निरोप त्याने दिला होता; परंतु, दुसऱ्या दिवशी सकाळी त्याचा मृतदेह मिळाला. सुरुवातीला हा अपघात असल्याचे दिसून येत होते. त्या अनुशंगाने स्थानिक गुन्हे शाखेने मिळालेल्या गुप्त माहितीच्या आधारे मृत तरुणाच्या मामेभावाला ताब्यात घेतले आहे. तर आपणच शुभमचा खून केल्याची कबुली पवन माळी याने पाेलिसांना दिली आहे.
शुभम माळीचा मामेभाऊ पवन अशोक माळी यानेच पैशाच्या वादातून खून केल्याचे समोर आले. त्यानंतर संशयित पवन माळी याला बाेदवड तालुक्यातील नाडगाव येथून रविवारी दुपारी अटक करण्यात आली.
हे देखील वाचा :
- एरंडोल नगरपालिकेचे आफ्रिकेत सादरीकरण
- राज्यसभा निवडणुकीबाबत छत्रपती संभाजीराजेंची मोठी घोषणा
- जळगावात ढगाळ वातावरणामुळे उकाडा पुन्हा वाढला, आज जिल्ह्यात पूर्वमाेसमी पावसाची शक्यता
- विवाहाच्या दुसऱ्याच दिवशी पसार झालेल्या वधूला अटक; सात दिवसाची पोलिस कोठडी
- Gold Silver Rate : सोन-चांदी पुन्हा महागली, आजचे ताजे दर जाणून घ्या
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
