⁠ 
गुरूवार, सप्टेंबर 19, 2024

गिरीश महाजनांच्या ‘त्या’ आरोपावर खडसेंचे सडेतोड प्रत्युत्तर

0
eknath khadse girish mahajan

जळगाव लाईव्ह न्यूज । ३१ मार्च २०२१ । राष्ट्रवादीचे ज्येष्ठ नेते एकनाथ खडसेंना ‘ईडी’ची तारीख आल्यावरच कोरोना कसा होतो ? असा आरोप भाजपचे माजी मंत्री तथा आमदार गिरीश महाजन यांनी केला होता. दरम्यान, महाजनांनी केलेल्या आरोपावर एकनाथराव खडसेंनी सडेतोड प्रत्युत्तर दिले आहे.

जळगाव महापालिकेतील भाजपची सत्ता गेल्याने गिरीश भाऊंना जो झटका बसला त्यामुळे त्यांना ‘ईडी’ आठवण आता येवू लागली आहे. आणि ‘ईडी लावून छळण्याचा प्रकार कोण करतात, हे सर्व जगाला माहिती आहे, असे शब्दात खडसेंनी गिरीश महाजनांना सडेतोड प्रत्युत्तर दिले आहे. विस दिवसापासून कोरोना झाल्यामुळे मी बाँम्बे हाॅस्पीटमध्ये कोरोनाचा उपचार घेत होतो. मला खुप त्रास झाला आणि मला जाणीव आहे कोरोनामध्ये किती त्रास होतो. त्यामुळे मला काही नौटंकी करण्याची सवय नाही, असे खडसे म्हणाले आहे.

उप प्रादेशिक परिवहन कार्यालयाच्या तालुकानिहाय मासिक दौऱ्यात बदल

0

जळगाव लाईव्ह न्यूज । ३१ मार्च २०२१ । उप प्रादेशिक परिवहन कार्यालय जळगावच्या 1 एप्रिल ते 30 एप्रिल 2021 या कालावधीतील तालुकानिहाय पूर्वनियोजित मासिक दौऱ्यात बदल करण्यात आला आहे.

नव्या वेळापत्रकानुसार पहिला सोमवार 5 एप्रिल रोजी पाचोरा, पहिला मंगळवार 6 एप्रिल  2021 रोजी  अमळनेर,  पहिला बुधवार 7 एप्रिल रोजी सावदा,  दुसरा सोमवार  12 एप्रिल रोजी चोपडा,  तिसरा सोमवार 19  एप्रिल रोजी यावल, तिसरा गुरुवार 15 एप्रिल रोजी जामनेर, दुसरा व पाचवा गुरुवार 8 व 29 एप्रिल रोजी भुसावळ, तिसरा मंगळवार  20  एप्रिल रोजी धरणगाव येथे दौऱ्याचे आयोजन करण्यात येईल.

चौथा सोमवार 26 एप्रिल रोजी भडगाव, चौथा मंगळवार 27 एप्रिल रोजी बोदवड, चौथा बुधवार 28 एप्रिल रोजी मुक्ताईनगर, चौथा गुरुवार 22 एप्रिल रोजी रावेर,  चौथा शुक्रवार 23 एप्रिल रोजी पारोळा, आणि   दुसरा, तिसरा, पाचवा शुक्रवार  9, 16 व 30  एप्रिल रोजी चाळीसगाव येथे दौऱ्याचे आयोजन करण्यात येईल.

सार्वजनिक सुट्टीच्या दिवशी असलेला मासिक दौरा पुढील सुयोग्य दिनांकास आवश्यकतेनुसार आयोजित करण्यात येईल, अन्यथा रद्द समजण्यात येईल. सर्व संबंधित नागरिकांनी याची नोंद घ्यावी. असे उप प्रादेशिक परिवहन अधिकारी श्याम लोही यांनी कळविले  आहे.

ऑल इंडिया बार कॉन्सिलची परीक्षा ऍड देवकांत पाटील पहिल्याच प्रयत्नात उत्तीर्ण

0
devkant patil

जळगाव लाईव्ह न्यूज । ३१ मार्च २०२१ । जानेवारी महिन्यात घेण्यात आलेल्या ऑल इंडिया बार कॉन्सिलच्या परीक्षेत  ऍड देवकांत बाजीराव पाटील हे पहिल्याच प्रयत्नात उत्तीर्ण झाले आहेत. त्यांनी औरंगाबाद येथील परीक्षा केंद्रावर परीक्षा दिली होती. त्यांच्या या यशाबद्दल यावल बार संघाचे अध्यक्ष ऍड वी.एम. परतणे, यावल बार संघाचे सचिव ऍड धीरज चौधरी व सर्व वकील सहकार्यानी व यावल तालुक्यातून व परिसरातून सर्वच स्थरातून  अभिनंदन करून भावी वाटचाली साठी शुभेच्या दिल्यात.

शिरसोली रस्त्यावर मालवाहू ट्रक उलटला; एक महिला जखमी

0
accident

जळगाव लाईव्ह न्यूज । ३१ मार्च २०२१ । शहाराकडून शिरसोलीकडे जात असलेला मालवाहू ट्रक क्रमांक एमएच.०४.पी.८७३६ हा हॉटेल आमंत्रणजवळ वळणावर उलटला. अपघातात एक महिला जखमी झाली असून तिला खाजगी रुग्णालयात दाखल करण्यात आले आहे. दरम्यान, याबाबत अद्याप कोणतीही माहिती उपलब्ध नसून एमआयडीसी पोलीस तपास करीत आहे.

रावेर आयटा युनिटतर्फे वार्षिक सभा संपन्न ; अध्यक्षपदी शरीफ शेख तर सचिवपदी सलमान अली

0
raver news

जळगाव लाईव्ह न्यूज । ३१ मार्च २०२१ । ऑल इंडिया आयडीयल टिचर असोसिएशन रावेर यांची २९ मार्च २०२१ रोजी ऑनलाईन मिटीग संपन्न झाली. या मिटींग मध्ये नवनियुक्त अध्यक्ष व सचिव यांची सर्वनुमते निवड करण्यात आली.

कार्यक्रमाची सुरुवात पवित्र कुरान पठनांने करण्यात आली. ऑल इंडिया आयडीयल टिचर असोसिएशन चे उद्दीष्ट जमात-ए-इस्लामी हिंद चे अध्यक्ष  शफीउद्दीन सर यांनी सांगीतले. तसेच कार्यक्रमाची  प्रस्तावना शफीक शेख यांनी केले. सर्व उपस्थित मान्यवरांच्या सहमती ने शरीफ शेख यांची अध्यक्षपदी निवड करण्यात आली तर  सचिवपदी सलमान अली फायनान्स सेक्रेटरी मलक युनुस व मिडिया सेक्रेटरी सैय्यद मुजाहिद यांची निवड करण्यात आली.

या वेळी ऑनलाईन मिटींग मध्ये शफीयोद्दीन सर, ताबीस शेख, अमीन शेख, अय्युब खान, मलक अनीस, सादीक शेख, फरहान अहेमद, मतीन अहेमद, मोहसीन खान, लारेब खान आदी उपस्थित होते. अध्यक्षपदी निवड झाल्याबद्दल शरीफ शेख यांच्या पुढील वाटचालीसाठी शुभेच्छा देण्यात आली.

कोण म्हणतंय तरुणांना कोरोनाचा त्रास होत नाहीये? जळगावात गेल्या ३० दिवसात १६ तरुणांचा कोरोनामुळे मृत्यू

0
corona patinet

जळगाव लाईव्ह न्यूज । ३१ मार्च २०२१ । जळगावात कोरोनाची लक्षण असून अंगावर काढण्याचे प्रमाण वाढल्याचे समोर येत आहे. यामुळे पहिल्या ७२ तासातच ७५% रुग्णांचा मृत्यू होत आहे.लक्षण दिसून देखील मी वय कमी आहे तर काही होणार नाही असा अभिर्भाव अनेकांचा दिसून येत आहे. परंतु समोर आलेल्या आकडेवारीनुसार हा दावा खोटा ठरला आहे. जळगाव जिल्ह्यात मागील ३० दिवसात १६ तरुणांचा मृत्यू कोरोनामुळे झालाय.

कोरोनामुळे मृत्यूमुखी पडणाऱ्यांमध्ये ४० वर्षांआतील व्यक्तींच्या संख्येत अचानक झपाट्याने वाढ झाली आहे. जिल्ह्यात गेल्या ३० दिवसांत अशा १६ रुणांनी अखेरचा श्वास घेतला आहे. तरुणांमध्ये कोरोना संसर्गाबाबत असणाऱ्या बेफिकिरीमुळे हे मृत्यू झाल्याचे समोर येत आहे. कोरोनाने जिल्ह्यातील १६११ नागरिकांचा बळी घेतला आहे. त्यात ४० वर्षांच्या आत वय असलेले ७३ जण आहेत. त्यापैकी ५७ रुग्ण पहिल्या लाटेच्या ११ महिन्यांत मरण पावले. मार्च २०२१च्या अवघ्या ३० दिवसांतच अशा कमी वयाच्या तब्बल १६ जणांचा मृत्यू झाला आहे.

मार्च महिन्याच्या ३० दिवसांत २२६ कोरोना बाधितांचा मृत्यू झाला. त्यात १६ जण हे ४० वर्षांआतील होते. एक तर दोन वर्षांचीच बालिका होती. ८ मार्चला २२ आणि ३६ वर्षीय तरुण, ९ मार्चला ४० वर्षीय महिला, १२ मार्चला ३० वर्षीय तरुण, १९ मार्चला ४० वर्षीय महिला, २० मार्चला ३८ वर्षीय पुरुष, २४ मार्चला २० वर्षीय तरुणी आणि ३५ वर्षीय तरुण, २५ मार्चला ३५ वर्षीय तरुण, २६ तारखेला पुन्हा ३५ वर्षीय तरुण, २७ मार्चला २८ वर्षीय महिला, २८ मार्चला दोन वर्षीय बालिका आणि ३३ वर्षीय तरुण, २९ मार्चला ४० वर्षीय इसम आणि ३० मार्च राेजी ३७ वर्षीय व्यक्तीचा मृत्यू झाला असल्याची माहिती आजच्या दैनिक दिव्यमराठीमध्ये प्रकाशित करण्यात आली आहे.

BHR Scam: कोथरूड पोलीस जळगावात दाखल; दोघांना होणार अटक?

0
bhr incumbent chaitanya nasare will take charge today

जळगाव लाईव्ह न्यूज । ३१ मार्च २०२१ । जळगावमधील बहुचर्चित BHR Scam बीएचआर घोटाळा प्रकरण अनेक कारणांमुळे गाजत आहे. आज सकाळी ७ वाजता कोथरूड पोलीस जळगावात आल्याची माहिती सूत्रांकडून समोर येत आहे. तसेच आज या प्रकरणात दोघांना अटक होणार असल्याचे देखील कळते.

आज या प्रकारात पुढील तपासासाठी आणि दोघांच्या अटकेसाठी कोथरूड पोलीस जळगावात सकाळी ७ वाजताच दाखल झाले आहेत. आज सकाळ पासून सोशल मीडियात फिरत असेल्या मेसेजमुळे अटक होणारे दोघे मविप्रशी संबंधित असल्याचे कळते. येत्या काही दिवसात या प्रकरणात अनेकांभवतीचे फास आवळला जाण्याची शक्यता असून अनेक जण ‘संकटात’ येणार आहे.

bhr whatsapp post

येत्या काही दिवसात या प्रकरणात अनेकांभवतीचे फास आवळण्याचा शक्यता आहे.बीएचआर घोटाळा प्रकरणी पुण्यातील डेक्कन पोलीस ठाण्यात दाखल असलेल्या गुन्ह्यात पुणे आर्थिक गुन्हे शाखेच्या पथकाने पुणे न्यायालयात पाच संशयितांविरुद्ध २५०० पानांचे दोषारोपपत्र दाखल करत ६१ कोटी ९० लाख ८८ हजार १६३ रुपयांची फसवणूक, अपहार केल्याचा ठपका ठेवण्यात आला आहे. यात सीए महावीर जैन, विवेक ठाकरे, धरम सांखला, कमलाकर कोळी व सुजित वाणी या पाच जणांविरुद्ध दोषारोप सादर ठेवण्यात आले आहेत. यातील कमलाकर कोळी हा जामिनावर मुक्त आहे तर इतर चारही जण सध्या पुण्याच्या येरवडा कारागृहात न्यायालयीन कोठडीत आहेत.

 

 

जळगावकरांनो आजार अंगावर काढू नका… ७५ टक्के रुग्ण पहिल्या ७२ तासातच मृत्यू पडताय…

0
corona patient

जळगाव लाईव्ह न्यूज । ३१ मार्च २०२१ । जळगाव जिल्ह्यातील कोरोना परिस्थिती दिवसेंदिवस अक्राळविक्राळ रूप घेत आहे. कोरोनाच्या दुसऱ्या लाटेने जळगावला चांगलाच तडाखा दिला आहे. मागील कोरोनापेक्षा यावेळी कोरोनामुळे मृत्यू पडणाऱ्यांची संख्या अधिक आहे. दिव्या मराठीने प्रसिद्ध केलेल्या वृत्तानुसार मृत्यू झालेल्यांमध्ये ७५% म्हणजे सर्वाधिक मृत्यू हे दाखल झाल्यानंतर ७२ तासांच्या आत झालेले आहेत.

अनेक रुग्ण कोरोनाचे लक्षण दिसून देखील आजारपण अंगावर कढत आहेत. अनेकदा प्रकृती अत्यंत गंभीर झाल्यानंतर हे रुग्ण उपचार घेण्यासाठी येत आहे. यामुळे त्यांच्यावर उपचार होण्यापूर्वीच त्यांचा मृत्यू होत आहे. जिल्ह्यात दिवसाला जवळपास १० ते १५ मृत्यू कोरोनामुळे होत आहेत.

सर्वाधिक ७२ तासांच्या आत मृत्यू पावणाऱ्या रुग्णांची संख्या ७५ टक्के आहे. दाखल झाल्यानंतर ६ तासांत मृत्यू होणाऱ्या रुग्णांची संख्या ११ टक्के आहे तर २४ तासांत मृत्यू पावणाऱ्या रुग्णांची संख्या २० टक्के आहे. कोरोना संसर्ग वाढल्यानंतर रुग्ण दाखल होत असल्याने त्यांचे शरीर उपचाराला प्रतिसाद देत नाहीये. यामुळे अंगावर आजारकाढू नका, लक्षण दिसतच उपचार सुरु करा असे अधिष्ठाता डॉ. जयप्रकाश रामानंद यांनी सांगितले आहे.

जळगाव जिल्ह्यात ३१ मार्च ते १५ एप्रिल विशेष निर्बंध ! पहा… काय सुरू आणि काय असणार बंद

0
abhijit raut

जळगाव लाईव्ह न्यूज । ३० मार्च २०२१ । जळगाव शहरासह जिल्ह्यात तीन दिवस लावण्यात आलेला लॉकडाऊन दि.३० रोजी मध्यरात्री संपणार असून जिल्हाधिकाऱ्यांनी दि.३१ मार्च ते १५ एप्रिलपर्यंत विशेष निर्बंध लागू केले आहे. जिल्हाधिकारी अभिजित राऊत यांनी काढलेल्या आदेशात काही बाबी सुरू राहणार असून त्यांना वेळेचे बंधन घालून देण्यात आले आहे.

 पहा… काय सुरू आणि काय असणार बंद

1) जळगांव जिहयातील सर्व आठवडी बाजार बंद राहतील.

2) भाजी मंडई 50 टक्के क्षमतेने सुरु राहतील आणि एका आड एक याप्रमाणे ओटे सुरु राहतील याची दक्षता स्थानिक स्वराज्य संस्था प्रशासनाने घ्यावी.

3) जळगाव जिल्हयातील सर्व कृषी उत्पन्न बाजार समित्यांच्या ठिकाणी होणारी गर्दी पाहता, सदर ठिकाणी गर्दी नियंत्रित करणे, सर्व व्यक्तीनी चेहर्यावर मास्क लावण, सोशल डिस्टन्सिंगचे पालन करणे तसंच सॅनिटायझररचा वापर करणे व हात धुण्याची व्यवस्था उपलब्ध करून देणे याची संपूर्ण जबाबदारी संबंधित सचिव, कृषी उत्पन्न बाजार समिती यांची राहील, सदर बाजार समितीच्या ठिकाणी भाजीपाला विक्री करणार शेतकरी व खरदी करणारे घाऊक व्यापारी यांनाच प्रवेश असल, सदर ठिकाणी कोणत्याही प्रकार, कोणत्याही रिटेलर्स (किग्काळ व्यापारी) यांना प्रवेश असणार नाही. तसेच जिल्हा उपनिबंधक सहकारी संस्था, जळगांव व सर्व सहायक निबंधक सहकारी संस्था यांनी संबंधित बाजार समितीच्या ठिकाणी वेळोवेळी भेटी देऊन काविड-19 नियमावलोचे पालन होत असल्याबाबत खात्री करावी.

4) जळगांव जिल्हयातील सर्व भाजीपाला, फळे, किराणा दुकाने, दूध विक्री केंद्रे सकाळी 07.00 ते संध्याकाळी 08.00 वाजेपावेतो सुरु ठेवता येतील.

5) जळगांव जिल्हयातील सर्व Non-Essential दुकाने केवळ सकाळी 07.00 ते संध्याकाळी 07.00 वाजेपावेतो सुरु राहतील.

6) हॉटेल /रेस्टॉरंट / परमिट रुम / बार इत्यादी आस्थापना सकाळी 09.00 ते रात्री 08.00 वाजेपावेतो कोविड- 19 चे मार्गदर्शक तत्वांचे यथोचित पालन करुन 50 टक्के बैठक क्षमतेसह सुरु राहतील. तथापि हॉटेल / रेस्टॉरंट परमिट रुम / बार इत्यादी ठिकाणाहून जेवणासाठी केवळ होम डिलीव्हरी, पार्सल या माध्यमातून सकाळी 09.00 ते रात्री 10.00 वाजेपर्यंत सेवा देता येईल. या बाबींचे उल्लंघन झाल्यास हॉटेल / रेस्टॉरेंट हे कोविड-19 महामारी बावत अधिसूचना अस्तित्वात असे पर्यंत बंद ठेवण्यात येतील तसेच दंडात्मक कारवाईस पात्र राहतील.

7) सर्व प्रकारच्या शाळा, महाविद्यालये, विद्यापीठ, शैक्षणिक व प्रशिक्षण केंद्रे, खाजगी शिकवणी क्लासेस, सर्व कोचिंग क्लासेस बंद राहतील. तथापि विद्याथ्यांना प्रत्यक्ष उपस्थितीस बंदी असली तरी संबंधित आस्थापनांना ऑनलाईन शिक्षणाची सुविधा देता येईल. तसेच शिक्षक व शिक्षकेतर कर्मचारी यांनी कार्यालयीन वेळेत ई-माहिती तयार करणे, उत्तरपत्रिका तपासणी करणे, निकाल घोषित करणे, ऑनलाईन शिक्षणाचे नियोजन व व्यवस्थापन करणे व तत्सम कामे करण्याकरीता संबंधित शाळा/महाविद्यालयात उपस्थित रहावे. तथापि इयत्ता 10 वी व 12 वी बाबतीत पालकांचे संमतीने उपस्थिती ऐच्छिक राहील.

8) अभ्यासिका (लायब्ररी, वाचनालये) यांना केवळ 50 % क्षमतेच्या मर्यादेत कोविड -19 नियमावलीचे पालन करुन सुरु ठेवता येतील.

9) सर्व सिनेमागृहे, मॉल, मनोरंजन पार्क, बगीचे, नाट्यगृहे, प्रेक्षकगृहे, सार्वजनिक ठिकाणे बंदच राहतील. तथापि याबाबींचे उल्लंघन करणा-या प्रति व्यक्तीकडून रुपये 10,000/- मात्र दंडाची आकारणी करण्यात येईल.

10)सर्व प्रकारच्या क्रिडा स्पर्धा, प्रदर्शने, मेळावे, संमेलने यांना बंदी राहील.

11) जिम, व्यायामशाळा, स्पोर्टस कॉम्प्लेक्स, खेळाची मैदाने, स्विमिंग टैंक हे राज्यस्तरीय / राष्ट्रीय / आंतरराष्ट्रीय स्तरावरील खेळाडू यांना वैयक्तिक सरावासाठी सुरु राहतील तथापि सामूहिक स्पर्धा /कार्यक्रम बंद राहतील.

12) सर्व प्रकारचे सामाजिक / राजकीय / धार्मिक कार्यक्रम तसेच उत्सव, समारंभ, यात्रा, दिंड्या, ऊरुस व तत्सम धार्मिक कार्यक्रम पूर्णपणे बंदच राहतील. तसेच सभागृहे / ड्रामा थिएटरर्स देखील बंदच राहतील.

13) सर्व धार्मिक स्थळे ही एका वेळेस केवळ 05 लोकांच्या मर्यादेच्या उपस्थितीत संबंधित पूजा-अर्चा या सारख्या विधीकरिता खुली राहतील

14) अंत्यविधी कार्यक्रमासाठी केवळ 20 लोकांनाच उपस्थित राहता येईल.

15) लॉन्स, मंगल कार्यालय, हॉल्स, सार्वजनिक मोकळया ठिकाणी व अन्य तत्सम ठिकाणी लग्न समारंभ व इतर कार्यक्रम आयोजित करणे पुढील आदेशापर्यंत पूर्णपणे बंद करण्यात येत आहे.

16) लग्न समारंभ व इतर समारंभ हे केवळ 20 लोकांच्या उपस्थितीत कोविड नियमावलीचे पालन करुन शास्त्रोक्त/वेदीक पध्दतीने अथवा नोंदणीकृत विवाह पध्दतीने साजरा करण्यात यावेत.

17) कायद्यान्दारे बंधनकारक असणाऱ्या वेधानिक सभांना केवळ 50 लोकांचे उपस्थितीच्या मर्यादित परवानगी राहील. (तथापि याबाबत संबंधित स्थानिक स्वराज्य संस्था यांना सूचीत करणे आवश्यक राहोल. शक्य झाल्यास अशा प्रकारच्या सभा ऑनलाईन पध्दतीने घेण्यात याव्यात.

18)गर्दी जमवून करण्यात येणारी निदर्शने, मोर्चे, रैली यांना बंदी राहील, मात्र केवळ 5 लोकांच्या उपस्थितीत स्थानिक पोलीस विभागाची परवानगी घेऊन संबंधित शासकीय विभागास निवेदन देता येईल.

19) सर्व संबंधित विभागांनी कोरोना जनजागृती सप्ताह सुरु करुन जास्तीत जास्त प्रचार प्रसिध्दी करुन नागरिकांमध्ये कोविड-19 चे मागदर्शक सूचनांचे पालन करणेबाबत जनजागृती करावी.

20) तसेच कोविड-19 बाबतीत शासनाचे मार्गदर्शक सूचना जसे मास्क वापरणे, सामाजिक अंतर राखणे , हंड सॅनिटायझरचा वापर करणे इ. बंधनकारक राहील.

21) सर्व खाजगी आस्थापना / कार्यालये हे एकूण कर्मचारी क्षमतेच्या 50% क्षमतेसह सुरु राहतील. सर्व प्रकारच्या खाजगी आस्थापनांनी त्यांच्या आस्थापनेवरील सर्व कर्मचा-यांची वेळोवेळी आरोग्य तपासणी करुन घेणे, त्यांच्याकडून सोशल डिस्टन्सींग, मास्कचा वापर याबाबींचे पालन करुन घेणे बंधनकारक राहील. तसेच कोविड-19 ची लक्षणे दिसून येणा-या संशयित कर्मचा-यांची कोविड-19 RTPCR चाचणी करुन घेण्याची जबाबदारी संबंधित आस्थापनांची राहील.

22)शासन आदेश दिनांक 15 मार्च, 2021 अन्वये सर्व शासकीय/ निमशासकीय कार्यालयातील (आरोग्य सेवा व अत्यावश्यक सेवेतील कर्मचारी वगळून) 50% कर्मचारी यांच्या उपस्थितीतीबाबत कार्यालय प्रमुख यांनी कोविड-19 प्रोटोकॉल नुसार निर्णय घ्यावा.

23) सर्व शासकीय कार्यालयात कामानिमित्त येणा-या अभ्यागतांची गर्दी नियंत्रित करण्यासाठी, अतिमहत्वाच्या कामाशिवाय अभ्यांगतांना शासकीय कार्यालयात प्रवेश असणार नाही. तसेच ज्या अभ्यांगतांना बैठकीसाठी उपस्थित राहण्याबाबत कळविण्यात आले असेल त्या संबंधित विभागाच्या कार्यालय प्रमुखांनी अशा व्यक्तींना प्रवेशपास दिल्यानंतरच प्रवेश देण्यात यावा.

24) गृह विलगीकरण (Home Isolation) करण्याबाबत या कार्यालयाकडील परिपत्रक क्रमांक दंडप्र-01/कावि 2020/ 604, दिनांक 12 मार्च, 2021 अन्वये आयुक्त, जळगांव शहर महानगरपालिका जळगांव व उपविभागीय दंडाधिकारी सर्व यांनी आवश्यक ती कार्यवाही करावी.

25) विनामास्क आढळून येणा-या व्यक्तींना रु 500/- मात्र दंड आकारण्यात येईल, तसेच सार्वजनिक ठिकाणी थुंकणा-या व्यक्तींना रु 1000/- मात्र व गर्दी करणा-या प्रति व्यक्तीना रुपये 1000/- मात्र दंडाची आकारणी करण्यात येईल.

26) संपूर्ण जळगांव जिलयात रात्री 10.00 वाजेपासून ते सकाळी 07.00 वाजेपावेतो संचारबंदी (Night Curfew) घोषित करण्यात येत असून 05 पेक्षा जास्त व्यक्तींना एकत्र येण्यास मनाई राहील. याबावत उल्लंघन करणा-या प्रति व्यक्तीकडून रुपये 1,000/- मात्र दंडाची आकारणी करण्यात येईल.

वरील प्रमाणे लागू करण्यात आलेल्या निबंधांचे पालन होत आहे किंवा नाही याची जबाबदारी संयुक्तिकरीत्या पोलीस विभाग व संबंधित स्थानिक स्वराज्य संस्था यांची राहील. सदर आदेशाचे उल्लंघन केल्यास सदर बाब ही भारतीय दंड संहिता, 1860 (45) चे कलम 188,आपत्ती व्यवस्थापन कायदा 2005 मधील कलम 51 ते 60 व फोजदारी प्रक्रिया संहिता, 1973 मधील तरतुदीनुसार शिक्षेस पात्र राहील.