जळगाव लाईव्ह न्यूज । २४ मार्च २०२१ । भडगाव तालुक्यात काल वादळामुळे पिकांचे प्रचंड नुकसान झाले. त्याअनुशंगाने आमदार किशोर पाटील यांनी तत्काळ प्रांताधिकारी राजेंद्र कचरे व कृषी अधिकाऱ्यांना नुकसानीचा पंचानामा करण्याच्या सुचना दिल्या.
मंगळवार रात्री भडगाव तालुक्यात वादळी पावसाने थैमान घातले. त्यात अंतिम टप्प्यात आलेला रब्बी हंगाम अक्षरश: आडवा पडला. ज्वारी, मका,गहू पिकांचे मोठे नुकसान झाले. तर काही भागात फळ पिकांचे झाडे उन्मळून पडले. त्यामुळे शेतकर्याचे लाखो रूपयांचे नुकसान झाले. त्या पार्श्वभूमीवर आमदार किशोर पाटील यांनी आढावा घेत तत्काळ प्रातांधिकारी राजेंद्र कचरे यांना पिकांच्या नुसनाची पंचनामे करण्याच्या सुचना दिल्या. तालुका कृषी अधिकार्याना त्यांनी प्रत्येक नुकसानग्रस्त शेतीचे पंचनामे करण्याच्या सुचना दिल्या. पंचनाम्यापासून एकही नुकसानग्रस्त शेतकरी वंचित राहू नये असे त्यांनी सांगीतले. त्यानुसार आज सकाळीच तहसिलदार सागर ढवळे, कृषी अधिकारी बी. बी. गोरर्डे यांनी शेतकर्याच्या शेतात जाऊन पंचनाम्याना सुरवात केली.
आमदार सुपुत्र सुमीत पाटलांनी केली नुकसानीची पाहणी
दरम्यान आमदार किशोर पाटील हे मुबंईत असल्याने त्यांचे पुत्र सुमीत पाटील यांनी भडगांव तालुक्यात नुकसानीची पाहणी केली. यावेळी तहसीलदार सागर ढवळे, कृषी मंडळधिकारी थोरात आदि उपस्थित होते. नुकसान स्थीती सुमीत पाटील आमदार किशोर पाटील यांना सांगीतली. तर अधिकार्याना प्रत्येक नुकसान झालेल्या शेतकर्याचा वस्तुनिष्ठ पंचानामा करण्याच्या सुचना दिल्या.
