जळगाव लाईव्ह न्यूज । ३१ मार्च २०२१ । मनपाने गाळेधारकाविरोधात सुरु केलेल्या कारवाईच्या निषेर्धात शहरातील १६ व्यापारी संकुलांतील गाळेधारकांनी बेमुदत संप पुकारला असून अद्यापही तोडगा निघालेला नसल्याने आज बुधवारी शामा प्रसाद मुखर्जी व्यापारी संकुलातील गाळेधारकांनी भीक मांगो आंदोलन करून प्रशासनाचा निषेध व्यक्त केला.

मनपाने गाळेधारकाविरोधात सुरु केलेल्या कारवाईच्या निषेर्धात शहरातील १६ व्यापारी संकुलांतील गाळेधारकांनी बेमुदत संप पुकारला आहे. जळगाव महापालिकेचे आयुक्त सतीश कुळकर्णी हे महानगरपालिकेचे कर्ज, रस्ते दुरूस्ती, इलेक्ट्रिक बिले भरणे, अधिकारी व कर्मचारी यांचे पगार करणे असल्यामुळे वारंवार गाळेधारकांना धमकावून पैसे वसूल करत आहे. त्यामुळे जळगाव शहरात गाळेधारकांनी बेमुदत बंद पुकारले आहे. कोरोना महामारीत गाळेधारकांची परिस्थीत नाजूक आहे. या परिस्थितीमुळे महापालिका सक्तीची वसुली करत आहे. वारंवार पैश्यांसाठी तगादा लावत असल्यामुळे गेल्या २७ मार्च पासून बेमुदत संपावर आहे. संपाचा आज पाचवा दिवस उजाळला परंतू अद्याप शहरातील १६ व्यापारी संकुलाचा प्रश्न मार्गी लागला नाही. महापालिकेचा निषेध करण्यासाठी आज श्यामा प्रसाद मुखर्जी उद्यानासमोर गाळेधारकांनी भिकमांगो आंदोलन केले.

या भिक मांगो आंदोलनातून  जे काही पैसे जमा होती त्या पैश्यातून आयुक्तांनी शहराचा विकास करावा असे  देखील त्यांनी सांगितले. याप्रसंगी राजू देसले, गणेश जगताप, कल्पेश सोनी, वसंत भावसार, मयूर पवार, राजेंद्र बाविस्कर, शबीर शेख सय्यद, बाबू परदेशी, रवींद्र मोरे आदी उपस्थित होते.

जळगाव जिल्हा मुस्लिम मानियार बिरादरी तर्फे इंजेक्शन हे सर्व समाजातील गरजू रुग्णांना फक्त ७४९ रुपयांमध्ये उपलब्ध करण्यात आले असून आज सकाळपासून रात्री पर्यंत सुमारे २६२ गरजू रुग्णांना ७४९/- रुपयांमध्ये इंजेक्शन उपलब्ध करुन देण्यात आले तर ३४ गरीब रुग्णांना मोफत वाटप करण्यात आले. अशा प्रकारे २९६ इंजेकॅशन वाटप करण्यात आले.

जळगाव जिल्हा मुस्लिम मानियार बिरादरी च्या या उपक्रमास जिल्हा भरातील प्रतिष्ठित सुज्ञ व सर्व समाजातील लोकांनी स्वागत केले असून बिरादरीचे अध्यक्ष फारुक शेख यांना अभिनंदनाचे व कौतुकाचे दूरध्वनी व मेसेजेस टाकण्यात आलेले आहे. समाजातील सर्व लोकांचे अशाच प्रकारचे सहकार्य मिळाल्यास हा उपक्रम पूर्ण जिल्हाभरात राबवण्याची इच्छा फारुक शेख यांनी व्यक्त केली आहे.

ग्रामिण भागातील गरजवंतांची मोठया प्रमाणात मागणी

तालुका स्तरावर रुग्णाची देखभाल होत असून मोठ्या प्रमाणात रेमडेसिव्हर ची मागणी दिसून येत आहे. शहरातील अद्याप काही मेडिकल मध्ये अवाजवी भावाने इंजेक्शन दिले जात असल्याची खंत सुद्धा शेख यांनी व्यक्त केली असून चेमिस्ट असो ने सुद्धा सामाजिक बांधीलकीला जपली असली तरी सर्व सदस्य सहकार्य करीत नाही

जळगाव लाईव्ह न्यूज । ३१ मार्च २०२१ । शासकीय वैद्यकीय महाविद्यालय व रुग्णालय येथील जनसंपर्क कक्षात  “वॉर रूम” उभारण्यासह  “खाटा व्यवस्थापन समिती” नेमण्यात आलेली आहे. या वॉर रूम व समितीला गेल्या आठ दिवसात नागरिकांचा प्रचंड प्रतिसाद मिळाला असून मोठ्या प्रमाणात गैरसोय दूर झाली आहे.

वॉर रूममध्ये चार कर्मचाऱ्यांची नियुक्ती शिफ्ट पद्धतीने लावण्यात आली आहे. शासकीय रुग्णालयात दाखल कोविड १९ पॉझिटिव्ह आणि संशयित रुग्णांच्या प्रकृतीची विचारपूस करणे, रुग्णांच्या जेवणासह इतर सुविधांविषयी विचारणा करणे तसेच वॉर्डातील दाखल रुग्णांना देखील या वॉर रूम सुविधेचा लाभ घेता आला आहे. या वॉर रूमचे ८७६७१९९४७६ आणि ८७६७२४०८०१ हे क्रमांक नागरिकांसाठी जारी करण्यात आले आहेत.

जिल्ह्यासह शहरातील व इतर ठिकाणाहून संदर्भित होणाऱ्या रुग्णांची गैरसोय होऊ नये यासाठी खाटा व्यवस्थापन समिती नेमण्यात आलेली आहे. ऑक्सिजन  किंवा व्हेंटिलेटर आवश्यक असलेल्या कोविड १९  पॉझिटिव्ह व संशयित रुग्णांसाठी शासकीय वैद्यकीय महाविद्यालय व रुग्णालय राखीव आहे.  या समितीला गेल्या आठ दिवसात खाटा उपलब्धतेबाबत जिल्हाभरातून विचारणा झाली आहे. त्यामुळे रुग्णांची धावपळ न होता खाटा व्यवस्थापन अचूक पद्धतीने होत आहे. या समितीत ३ तज्ज्ञ डॉक्टरांची नियुक्ती करण्यात आली असून त्यासाठी ९३५६९४४३१४ हा क्रमांक त्यासाठी जारी करण्यात आला आहे.

शासकीय रुग्णालयात कोविड १९ पॉझिटिव्ह व निगेटिव्ह रुग्ण उपचारांती मृत झाल्यास त्यांच्या अंत्यसंस्कार संदर्भातील माहितीसाठी मृत्यू समन्वय समिती गठीत करण्यात आली आहे. मयत रुग्णांच्या नातेवाईकांना सांत्वन व मदतीसाठी या समितीने गेल्या आठ दिवसात भरीव काम केले असून येथे ४ निष्णात कर्मचारी नेमण्यात आले आहे. या समितीचा ८७६७३२४१३३  हा क्रमांक रुग्णालय प्रशासनाने नागरिकांसाठी जाहीर केला आहे.