जळगाव लाईव्ह न्यूज । १६ मे २०२१ । जळगाव जिल्ह्यात ज्या तालुक्यांची सीमा थेट परराज्यांशी संलग्न आहेत. इतर जिल्हा संलग्न आहेत. त्या ठिकाणच्या चेकपोस्टवर जळगाव जिल्ह्यात प्रवेश करणाऱ्या परराज्यातील व्यक्तीचा आरटीपीसीआर अहवाल निगेटीव्ह आहे की नाही हे तपासावे, असे आदेश जिल्हाधिकारी अभिजीत राऊत यांनी दिले आहेत.

तहसीलदारांकडून एक विशेष कार्यकारी अधिकारी नेमून संबंधित चेक पोस्टवर स्थानिक पोलिसांच्या मदतीने तपासणी पथक नेमण्यात येणार आहे. राज्याबाहेरील कोणत्याही व्यक्तीस तसेच वस्तू, सेवांची वाहतूक करणाऱ्या वाहनाचे चालक व सहाय्यक चालक यांना महाराष्ट्रात प्रवेश करण्यासाठी आरटीपीसीआर चाचणीचा निगेटीव्ह अहवाल सोबत बाळगणे बंधनकारक करण्यात आले आहे. त्यानुसार नियामाची अंमलबजावणी व्हावी असे जिल्ह्याधिकाऱ्यानी आपल्या आदेशात म्हटले आहे.

जळगाव लाईव्ह न्यूज । १६ मे २०२१ । जिल्ह्यात अनेकांनी काेव्हॅक्सिनचा पहिला डोस घेतला होता परंतु दुसरा डोस मिळत नसल्याने त्यांची धावपळ होत होती. शनिवारी २३०० नवीन डोस प्राप्त झाले आहेत. आता ज्यांनी पहिला डोस घेतला होता अशांना प्राधान्य देण्यात येणार आहे. शहरातील ५ केंद्रावर कोविशील्ड तर दाेन केंद्रांवर कोव्हॅक्सिनचे डाेस उपलब्ध असणार आहे.

मनपाच्या शाहू हाॅस्पिटल, डी. बी. जैन रुग्णालय, नानीबाई रुग्णालय, मुलतानी हाॅस्पिटल व शाहिर अमर शेख रुग्णालय या पाच केंद्रांवर कोविशील्ड लस उपलब्ध असून ती ४५ वर्षांवरील लाभार्थ्यांना दुसऱ्या डोससाठी असणार आहे. दरम्यान रेडक्राॅस साेसायटीचे लसीकरण केंद्र रविवारी बंद असणार आहे.

या दोन केंद्रांवर कोव्हॅक्सिन : गणपती नगरातील स्वाध्याय भवन व मायादेवीनगरातील राेटरी भवन या दोन केंद्रांवर रविवारी कोव्हॅक्सिन लस उपलब्ध असणार असून ती केवळ ४५ वर्षांवरील लाभार्थ्यांना दुसऱ्या डोससाठीच मिळणार आहे.

जळगाव जिल्ह्यातील केंद्रनिहाय लसींचा साठा

जळगाव जिल्हा रुग्णालय ३०० कोविशिल्ड, जामनेर उपजिल्हा रुग्णालय १०० कोव्हॅक्सिन, मुक्ताईनगर उप जिल्हा रुग्णालय १० कोव्हॅक्सिन, चाळीसगाव ग्रामीण रुग्णालय १०० कोव्हॅक्सिन, पाराेळा ग्रामीण रुग्णालय १९० कोव्हॅक्सिन, रावेर ग्रामीण रुग्णालय ३० कोविशिल्ड, १०० कोव्हॅक्सिन, यावल १०० कोव्हॅक्सिन, भडगाव ११० कोव्हॅक्सिन, बाेदवड १० कोव्हॅक्सिन, एरंडाेल ४० कोव्हॅक्सिन, भुसावळ रेल्वे हाॅस्पिटल १०० कोव्हॅक्सिन, शाहु रुग्णालय १३१० कोविशिल्ड, ७०० कोव्हॅक्सिन, बद्री प्लाट,भुसावळ २०० कोव्हॅक्सिन, पाल ग्रामीण रुग्णालय ५० कोव्हॅक्सिन, पिंपळगाव, पाचाेरा १४० कोविशिल्ड, ११० काेव्हॅक्सिन, पहुर १०० काेव्हॅक्सिन, अमळनेर १०० काेव्हॅक्सिन, सावदा ४० कोविशिल्ड, १५० कोव्हॅक्सिन, वरणगाव १० कोविशिल्ड,२०० कोव्हॅक्सिन, दीपनगर, वरणगाव २० कोविशिल्ड, अमळनेर ३० कोविशिल्ड, वरणगाव फॅक्टरी १५० कोविशिल्ड, फैजपुर १३० कोविशिल्ड, तळई, एरंडाेल ३० कोविशिल्ड.

जळगाव लाईव्ह न्यूज । १६ मे २०२१ । जळगाव शहरातील नऊ आणि इतर ठिकाणी २० अशा जिल्ह्यातील एकूण २९ खासगी रुग्णालयांना लसीकरण केंद्र सुरू करायला जिल्हाधिकारी अभिजीत राऊत यांनी शनिवारी परवानगी दिली आहे. त्यांनी थेट कंपनीकडून ‘काेव्हॅक्सीन’ ही लस विकत घ्यायची आहे. खासगी रुग्णालयांसाठी असलेली तिची किंमत लक्षात घेता रुग्णांना एक डोससाठी तब्बल १३०० रुपये मोजावे लागण्याची शक्यता आहे.

जिल्ह्यात ४५ वर्षांवरील लसीकरणाची माेहिम एक एप्रिल पासून सुरू झाली. त्यावेळी ५० च्या घरात खासगी रुग्णालयात लसीकरण केंद्र सुरू हाेते. मात्र ३० एप्रिलपासून खासगी लसीकरण केंद्र बंद पडली आहेत. त्यामुळे शासकिय केंद्रांवर मोठ्या प्रमाणात लसीकरणासाठी गर्दी होऊ लागली आहे.

खासगी केंद्रांना काे-व्हॅक्सीन ही लस रुपये एक हजारात मिळणार असून त्यावरील जीएसटी तसेच इतर खर्च मिळून सुमारे १२६० रुपयांत त्यांना ती मिळेल. त्यामुळे किमान १३०० रुपये एका डाेससाठी लाभार्थ्यांना माेजावे लागतील असा अंदाज खासगी रुग्णालयाकडून व्यक्त केला जात आहे.

शुक्रवारी व शनिवारी मिळून एकूण २९ रुग्णालयांना जिल्हाधिकारी डाॅ. राऊत यांनी लस केंद्रासाठी परवानगीचे पत्र दिले. यात जळगाव शहरातील ९ केंद्राचा समावेश आहे. पूर्वीचे चार खासगी आणि महात्मा ज्याेतिबा फुले याेजनेत संलग्न असलेल्या २३ केंद्रासह आता खासगी लसीकरण केंद्रांची संख्या ५६ हाेणार आहे. लसीकरण केंद्र म्हणून परवानगी मिळालेल्या हाॅस्पिटलने संबधित लस उत्पादक कंपनीशी ईमेलद्वारे संपर्क साधायचा असून त्यांच्या नियमानुसार पैसे भरून लसीची मागणी नाेंदवायची आहे. सीरम या कंपनीची काेविशिल्ड या लसीची आगाऊ मागणी आगामी दोन ते तीन महिन्यांसाठी बंद असून सध्या केवळ भारत बायोटेक कंपनीचीच लस उपलब्ध आहे. त्यामुळे सध्यातरी नव्याने सुरू हाेणाऱ्या खासगी लसीकरण केंद्रावर काेव्हॅक्सीन हीच लस उपलब्ध हाेणार आहे.

शहरात सुरू हाेणारे नवे ९ खासगी केंद्र : डाॅ. राजेश पाटील (विश्वप्रभा हाॅस्पिटल), आनंद पलाेड (महेश प्रगती मंडळ), डाॅ. राजेंद्र भालाेदे (कमल हाॅस्पिटल), डाॅ. पराग चाैधरी (विजेंद्र हाॅस्पिटल), हरीश मुदंडा (विश्व हिंदू परिषद), डाॅ. याेगेंद्र नेहेते (नेहते हाॅस्पिटल), चंद्रकांत नाईक (जैन इरिगेशन सिस्टीम), अमरेंद्रनाथ चाैधरी (कांताई हाॅस्पिटल), डाॅ. पारस जैन (राेटरॅक्ट क्लब).

जिल्ह्यात सुरु हाेणारे नवे २० केंद्र
डाॅ. संदीप पाटील, माऊली हाॅस्पिटल, रावेर, डाॅ. उमाकांत पाटील,श्रीयुला हाॅस्पिटल, जामनेर, डाॅ. विनाेद चाैधरी, आई हाॅस्पिटल, भुसावळ, डाॅ.दिनेशसिंग पाटील,द्वारकाधिश हाॅस्पिटल, भुसावळ, डाॅ. धनंजय पाटील, माेरया हाॅस्पिटल पाराेळा, डाॅ. प्रविण पाचपांडे,पाचपांडे हाॅस्पिटल, डाॅ. निलेश पाटील, कांताई हाॅस्पिटल, पाराेळा, नितीन अहिरराव, राेटरी क्लब चाेपडा, डाॅ. विजय पाटील, वृंदावन हाॅस्पिटल, पाचाेरा, डाॅ. संभाजीराजे पाटील, श्रीसाई हाॅस्पिटल, पाचाेरा, डाॅ. आशिष वाघ, मिरा हाॅस्पिटल, जामनेर, डाॅ. प्रदीप फेगडे, मुक्ताई प्रसुतीगृह, भुसावळ, डाॅ. वैशाली नेरकर, आई हाॅस्पिटल, पाराेळा, डाॅ.सुरेश पाटील, श्रध्दा हाॅस्पिटल, पाराेळा, डाॅ.तुषार चाैधरी, दत्त हाॅस्पिटल, सावदा, विजय माेहन, सिंधी साई बहुउद्देशिय संस्था, भुसावळ, आेम ठाकुर, रिलायन्स जीआे, (अमळनेर, चाळीसगाव व जळगाव), डाॅ. भारत पाटील, पाटील हाॅस्पिटल, चाेपडा.