जळगाव लाईव्ह न्यूज । १३ जानेवारी २०२१ । पुण्यातील भोसरी एमआयडीसी भूखंड प्रकरणात राष्ट्रवादीचे ज्येष्ठ नेते एकनाथराव खडसे यांची पत्नी मंदाकिनी यांना मुंबई उच्च न्यायालयाने मोठा दिलासा मिळाला आहे. भोसरी जमीन घोटाळा प्रकरणी ईडीला यापुढे मंदाकिनी खडसेंची चौकशी करावयाची असल्यास 24 तास आधी नोटीस देण्याचे निर्देश देण्यात आलेत. तसेच 17 फेब्रुवारीपर्यंत कुठलीही कठोर कारवाई करू नये, असे आदेश न्यायालयाने ईडीला दिले आहेत.
सुनावणीत ईडीनं याप्रकरणी आपलं अतिरिक्त प्रतिज्ञापत्र हायकोर्टात सादर केलं. या प्रकरणातील आरोपी मंदाकिनी खडसे यांना यापूर्वीच हायकोर्टानं अंतरीम दिलासा दिलेला आहे. (Eknath Khadse in land scam)
काय आहे प्रकरण?
एकनाथ खडसे यांच्या पत्नी मंदाकिनी खडसे आणि जावई गिरीश चौधरी यांनी 28 एप्रिल 2016 रोजी भोसरी एमआयडीसी येथे जमीन घेतली आहे. ही जमीन अब्बास रसुलभाई उकानी नामक मूळ जमीन मालकाकडून 3.75 कोटी रुपयांना खरेदी केली. नोंदणी निबंधकांच्या कार्यालयात या व्यवहाराची रीतसर नोंद केली. अशा प्रकारे एमआयडीसीच्या ताब्यात असलेल्या व त्यांच्या मालकीच्या जमिनीचे खडसे कुटुंबीय सरकारी कागदोपत्री मालक झालेले आहेत. या सर्व व्यवहारात सुमारे 61 कोटी रुपयांच्या महसुलाचे नुकसान झाले. हा मोठा गैरव्यवहार असल्याचा ईडीला संशय आहे.
हे देखील वाचा :
- जळगावात दहावीच्या विद्यार्थ्यावर चॉपरने प्राणघातक हल्ला
- जळगावात सोन्याने पुन्हा ओलांडला दीड लाखांचा टप्पा; एका दिवसात तब्बल इतक्या रुपयांची वाढ?
- रेल्वे प्रवाशांना दिलासा! भुसावळ–दादरसह ‘या’ एक्स्प्रेसच्या कालावधीत वाढ
- Bhusawal : तरुणीला लग्नाचे वचन देऊन शारीरिक संबंध, नंतर लग्नास नकार; तरुणासह तिघांवर गुन्हा
- जळगाव-उधना मार्गावरील प्रवाशांना दिलासा; ‘ही’ विशेष एक्स्प्रेस पुन्हा धावणार
