जळगाव लाईव्ह न्यूज । २८ नोव्हेंबर २०२१ । येथील असोदा रस्त्यावर वाल्मीक नगराजवळ लेंडीनालालगत गटारीत एका अनोळखी इसमाचा मृतदेह आढळून आल्याने खळबळ उडाली आहे.
येथील वाल्मीक नगरातील लेंडीनाला पुलाच्या जवळ गटारीत रविवारी सकाळी १० वाजेच्या सुमारास एका अनोळखी इसमाचा मृतदेह आढळल्याने परिसरात खळबळ उडाली आहे. यावेळी नागरिकांनी मोठी गर्दी केली होती.
शनीपेठ पोलीस ठाण्याच्या कर्मचाऱ्यांनी धाव घेत मृतदेह बाहेर काढून जिल्हा रुग्णालयात रवाना केला. मयताची अद्याप ओळख पटलेली नसून तो याच परिसरात नेहमी फिरत असल्याची माहिती मिळाली आहे.
