जळगाव लाईव्ह न्यूज । ७ एप्रिल २०२४ । गेल्या अनेक दिवसांपासून राष्ट्रवादीचे शरद पवार गटाचे नेते आमदार एकनाथ खडसे पुन्हा स्वगृही भाजपात परतनार असल्याची चर्चा राजकीय वर्तुळात सुरु आहे. या चर्चेला आता पूर्णविराम मिळाला आहे. एकनाथ खडसे भाजपमध्ये येणार आहेत. केंद्रीय गृहमंत्री अमित शाह आणि भाजपचे अध्यक्ष जेपी नड्डा यांची भेट घेतल्यानंतर भाजपत परतण्याचा मार्ग मोकळा झाला आहे. यातच रोहिणी खडसे यादेखील प्रवेश करणार असल्याचे चर्चा होत्या. मात्र रोहिणी खडसे यांनी ट्विट करत या चर्चांना पुर्णविराम दिला आहे.
रोहिणी खडसे यांनी ट्विट करत सांगितले की, ‘मी महिला राष्ट्रवादी शरदचंद्र पवार पक्षाची प्रदेशाध्यक्ष म्हणून काम करीत आहे. मी याच पक्षात आहे. भविष्यातही याच पक्षात राहणार आहे’ असे ट्विट केले. यामुळे रोहिणी खडसे या एकनाथराव खडसे यांच्यासोबत भाजप पक्षात प्रवेश करणार नसल्याचे यावरून सिद्ध झाले आहे.
