जळगाव लाईव्ह न्यूज । ९ मार्च २०२१ । हावडाहून मुंबईकडे जाणार्‍या 02260 गीतांजली एक्स्प्रेसचा एक डबा (जनरेटर व्हॅन) रुळावरून घसरल्याची घटना मंगळवारी सकाळी 11.15 वाजेच्या सुमारास बोरगाव मंजू ते काटेपूर्णा दरम्यान घडली.
सुदैवाने या घटनेत कोणतीही जीवीतहानी झाली नाही. या अपघातामुळे अप व डाऊन लाईनवरची रेल्वे वाहतूक विस्कळीत झाली आहे. गीतांजली आपल्या नियमित वेळेवर धावत असताना सकाळी 11.15 वाजताचे दरम्यान काटेपूर्णा ते बोरगाव मंजू रेल्वे स्थानकादरम्यान आली असता या गाडीचा शेवटचा जनरेटर डबा (एसएलआर) अचानक रुळावरून घसरला. डबा घसरताच रेल्वे थांबली. रेल्वे अधिकारी व रेल्वे पोलिसांनी घटनास्थळी धाव घेतली.
