जळगाव लाईव्ह न्यूज । १ ऑक्टोबर २०२३ । एकीकडे पितुपक्षाला सुरुवात होताच सोने आणि चांदीच्या (Gold Silver Rate Today) किमतीत घसरण होत आहे. गेल्या आठवड्यात भारतीय सराफा बाजारात सोने आणि चांदीच्या दरात मोठी घट नोंदवण्यात आली. आठवड्याच्या पहिल्या दिवसापासून म्हणजेच सोमवार (25 सप्टेंबर) पासून सुरू झालेली घट ट्रेडिंग सत्राच्या शेवटच्या दिवसापर्यंत म्हणजेच शुक्रवार (29 सप्टेंबर) पर्यंत चालू होती.
MCX वर सोने आणि चांदी किती स्वस्त झाले?
गेल्या आठवड्यात मल्टी कमोडिटी एक्सचेंज म्हणजेच MCX वर सोने आणि चांदीच्या किमतीत विक्रमी घसरण नोंदवण्यात आली. सोमवारी एमसीएक्सवर सोन्याचा भाव 58,900 रुपये प्रति दहा ग्रॅम होता, जो व्यापार सत्राच्या शेवटच्या दिवशी म्हणजे शुक्रवारी 57,575 रुपये प्रति दहा ग्रॅमवर घसरला. म्हणजेच या काळात एमसीएक्सवर सोन्याचा भाव 1325 रुपयांनी घसरला. चांदीचा भाव पहिल्या दिवशी 73,239 रुपये होता, तर शुक्रवारी तो 69,870 रुपये प्रति किलोपर्यंत घसरला. अशाप्रकारे, गेल्या आठवड्यात एमसीएक्सवर चांदीचा भाव 3369 रुपयांनी घसरला.
जळगाव सुवर्णनगरीतील दर?
जळगावच्या सुवर्णनगरीतही गेल्या आठवड्यापासून सोन्याचा दर कमी होत असून गेल्या दोन दिवसात सोने 800 रुपये प्रति तोळ्याने कमी झाले आहे. तसेच चांदीच्या किमतीत गेल्या पाच दिवसात 1500 ते 1800 रुपयापर्यंतची घसरण झाली आहे. सध्या जळगावात 22 कॅरेट सोन्याचा दर विनाजीएसटी 53,300 रुपये प्रति तोळा इतका आहे. तर 24 कॅरेट सोन्याचा प्रति तोळ्याचा भाव विनाजीएसटी 58,200 रुपयावर विकला जात आहे. दुसरीकडे चांदीचा दरही विनाजीएसटी 70,500 रुपयाने विकला जात आहे.
दरम्यान, पितुपक्षात सोने आणि चांदीला कमी मागणी असते. त्यामुळे आगामी काही दिवस दोन्ही धातूंचे दर कमी राहू शकतात. मात्र दिवाळीपर्यंत दर पुन्हा वाढू शकतात.
