जळगाव लाईव्ह न्यूज । १७ मे २०२१ । यावल तालुक्यातील किनगाव बु ॥ येथील कालपासून बेपत्ता असलेल्या शेतकऱ्याचा मृतदेह त्यांच्याच शेतातील विहिरीत आढळून आल्याने खळबळ उडाली. महेश पंढरीनाथ माळी (वय-४०) असे मृत शेतकऱ्याचे नाव असून याप्रकरणी यावल पोलीसात अकस्मात मृत्यूची नोंद करण्यात आला आहे.
किनगाव बु. येथील महेश माळी हे शेती काम करून आपल्या कुटुंबियांचा उदरनिर्वाह करतात. दरम्यान, काल रविवारी ते शेतात जावून येतो असे सांगून घराबाहेर पडले होते. परंतु ते सायंकाळपर्यंत घरी परत आले नाही म्हणुन कुटुंबातील मंडळीने शेतात जावुन शोध घेतले असता शेतातील विहीरीच्या ठीकाणी मोटरसायकल व विहीरीजवळ बुट मिळुन आली. मात्र माळी हे दिसुन आले नसल्याने पुनश्च कुटुंबातील मंडळीने गावातील पट्टीचा विहीरीतून प्रेत शोधणाऱ्या कैलास कडु थाटे यास विहीरीत उतरून शोध घेण्याचा पुर्ण प्रयत्न केला असता तो मिळुन आला नाही. याप्रकरणी यावल पोलीसात हरविल्याची नोंद करण्यात आली होती.
दरम्यान, आज महेश माळी यांचे मोठे भाऊ किरण पंढरीनाथ माळी (वय ४५) यांनी यावल पोलीसात भाऊ महेश माळी हरवल्याची तक्रार दाखल केली होती. तर आज दुपारच्या सुमारास महेश माळी यांचा मृतदेह किनगाव शिवारातील त्यांनी केलेल्या शेतातील विहीरीत मिळून आला. दरम्यान, माळी यांनी आत्महत्या केली की ते विहीरीत पडले हे मात्र अद्याप स्पष्ट झालेले नाही. घटनेचा तपास सहाय्यक फौजदार विजय पाच पोळे, पोलीस अमलदार सुनिल तायडे हे करीत आहे.
