जळगाव लाईव्ह न्यूज । १९ एप्रिल २०२२ | महाराष्ट्र बॉक्सिंग असोसिएशनतर्फे १८ ते २१ एप्रिलदरम्यान लातूर येथे राज्य अजिंक्यपद यूथ मुलांच्या बॉक्सिंग स्पर्धेसाठी जळगाव शहराचा संघ जाहीर करण्यात आला. या संघाचे प्रशिक्षक म्हणून निलेश बाविस्कर तर व्यवस्थापक म्हणून विशाल सोनवणे काम पाहत आहे.
राज्य बॉक्सिंग स्पर्धेसाठी सिद्धांत अहिरे, वैभव नाईकडा, राकेश भोई, जय मराठे, तेजस कुमावत यांची निवड करण्यात आली आहे. निवड झालेल्या खेळाडूंचा जळगाव जिल्हा क्रीडा अधिकारी मिलिंद दीक्षित, एकलव्य क्रीडा संकुलाचे संचालक व जळगाव शहर बॉक्सिंग असोसिएशनचे अध्यक्ष डॉ. श्रीकृष्ण बेलोरकर, उपाध्यक्ष डॉ. अमोल पाटील, सहसचिव नयन राणे, खजिनदार रोहिदास पाटील, रवी नरवाडे, संतोष सुरवाडे, डॉ. सचिन वाणी यांनी गौरव केला. तसेच वाटचालीसाठी शुभेच्छा दिल्या.
