जळगाव लाईव्ह न्यूज । ९ एप्रिल २०२२ । ऐनपूर येथील सरदार वल्लभभाई पटेल कला विज्ञान महाविद्यालयाचा तृतीय वर्ष विज्ञान वर्गाचा विद्यार्थी ऋषिकेश ज्ञानेश्वर महाजन याची कवयित्री बहिणाबाई चौधरी उत्तर महाराष्ट्र विद्यापीठाच्या संघात मिनी गोल्फ या खेळात निवड झाली आहे.
अखिल भारतीय आंतरविद्यापीठ स्पर्धा जयपूर (राजस्थान) येथे १६ ते २० एप्रिलदरम्यान स्पर्धा होणार आहेत. या मिनी गोल्फ स्पर्धेचा संघ १३ एप्रिल रोजी सायंकाळी जयपूरला रवाना होणार आहे. ऋषिकेषला अध्यक्ष भागवत पाटील, चेअरमन श्रीराम पाटील, सचिव संजय पाटील, प्राचार्य डॉ. जे. बी. अंजने, क्रीडा संचालक डॉ. सचिन झोपे यांनी मार्गदर्शन केले. या वेळी डॉ. के. जी. कोल्हे, डॉ. आर. व्ही. भोळे, प्रा. एस. आर. इंगळे, डॉ. पी. आर. गवळी, उपप्राचार्य डॉ. एस. बी. पाटील उपस्थित होते.
